Popular Bible Verses from THUFINGTE 13

Share

Mi fing pâwl la, i lo fing ang a, Mi â pâwl erawh chu hrehawm tuar phahna a ni.

A kâ vêng ṭha chuan a nunna a vêng ṭha a ni a, A kâ zau taka âng erawh chuan boralna a chang ang.

Tiang hmang duh lo chuan a fa a hua a ni, A hmangaihtu erawh chuan a thunun chawt ṭhîn.

Beiseina tihkhawtlai hian thinlung a tina a, Duhthusâm lo thleng erawh chu nunna thing a ni.

Felna chuan dik taka awmte chu a vêng ṭhîn a, Suahsualna erawh chuan mi sual a theh thlu ṭhîn.

Eng mah lo mai maia sum deh chhuah chu tihrîral a ni ang a; Thawh rima khâwl erawh chu a pung ang.

Chapona chuan inhauna mai a tichhuak a, Thunun ṭhat mi hnênah erawh chuan finna a awm.

Mi ṭha chuan a tute thlenga rochun tûr a hnutchhiah ṭhîn a, Mi sual sum erawh chu mi fel tân khâwl khâwm a ni.

Fapa fing chuan a pa thununna a pawisa ṭhîn a, Hmuhsit chîng mi erawh chuan zilhhauna a ngaithla duh ṭhîn lo.

Thununna duh lotu chungah chuan pachhiatna leh mualphona a thleng ang a, Zilhhauna ngaisângtu erawh chu chawimawi a ni ang.