Popular Bible Verses from NUMBERS 13

Share

Tichuan, Mosia hmaah Kaleban mipui chu a tingawi ṭhuap a, “I han thawk thuai ang u khai, i han la ang u, kan ngam ngei ngei ang,” a ti a.

Tin, chutah chuan Anaka thlahte, mi lianho, âwmkhauh pui pui kan hmu a; khau ang lekin kan inhmu a, anni pawhin khau ang lekin min hmu a ni,” tiin, a ṭha lo lamin an sawi a.

Nimahsela, a kalpuite chuan, “Kan han hneh thei hlawm lo vang â, kan aiin an chak si a,” an ti a.

Tichuan, Israela thlahte hnênah an ram han enthlâk chu, “Kan ram han enthlâk chu a chhûnga chêngte ei zawh hmang a ni; tin, a awmte kan hmuh chu mi âwmkhauh pui pui an ni a.

Tin, a hnênah, “I mi tirhna ramah chuan kan kal a, hnute tui leh khawizu luanna a lo ni ngei mai; hei hi a rama thei a ni.

Amaherawhchu, a rama mi awmte chu mi chak pui pui an ni a, khuate pawh kulh nei, ropui tak tak a ni; tin, Anaka thlahte pawh kan hmu bawk a.

Amalek-ho chu chhim lam ramah an awm a; Hit-ho te, Jebus-ho te, Amor-ho te chu tlângahte an awm a; tin, Kanaan-hote chu tuifinriat kam leh Jordan lui dungah an awm,” tiin an hrilh a.

Chutichuan, Paran thlalêra Kadesh-ah chuan Mosia leh Arona leh Israel mipui zawng zawng hnên chu an lo thleng a, an hnênah leh mipui zawng zawng hnênah chuan thu an rawn thlen a, chumi ram theite chu an entîr a.