Popular Bible Verses from Matthaia 5

Share

Miin khâwnvâr hâlin hrai hnuaiah an dah ngai lo, a dahnaah an dah zâwk ṭhîn; tichuan, in chhûnga mi zawng zawng a ên ṭhîn. Chutiang bawkin in êng chu mi mit hmuhin êng rawh se; chutichuan, in thiltih ṭhatte an hmu ang a, in Pa vâna mi an chawimawi thei ang.

Khawvêl êng in ni e. Tlâng chhîpa khaw awm chu thuhrûk theih a ni lo.

Thinlunga thianghlimte chu an eng a thâwl e; Pathian an la hmu dâwn si a.

Felnaa rilṭâma tuihâlte chu an eng a thâwl e; An la tlai dâwn si a.

Kei erawh chuan ka hrilh a che u, in hmêlmate chu hmangaih ula, a tiduhdahtu che u chu ṭawngṭaisak rawh u

“Rilrua retheite chu an eng a thâwl e; Vânram an ta a ni si a.

Remna siamtute chu an eng a thâwl e; Pathian faa vuahin an la awm dâwn si a.

Lungngaite chu an eng a thâwl e; thlamuanin an la awm dâwn si a.

Felna avânga tihduhdah tuar hnute chu an êng a thâwl e; Vânram an ta a ni si a.

Mi khawngaih thei takte chu an eng a thâwl e; Khawngaih an la hlawh dâwn si a.

Miin keimah avânga an hau che ua, an tihduhdah che ua, dâwta sual tinrênga an hêk hunah che u, in eng a la thâwl ang. Lâwm ulangin, nasa takin hlim rawh u; vânah in lâwmman a awm hnem si a; chutiang bawkin in hmaa zâwlnei awmte pawh an tihduhdah ṭhin kha.

Thuhnuairawlhte chu an eng a thâwl e; Lei hi an la rochung dâwn si a.

Lei chi in ni e; nimahsela, chi hi a dâk tawh chuan engin nge an tihal leh ang? Chuta chinah chuan paih chhuaha, mihringte rah mai mai chauhvah lo chuan, eng atân mah a tlâktlai lo.

Chutichuan, in Pa vâna mi a ṭha famkim angin in ṭha famkim tûr a ni.

Nimahsela, in thusawi chu ‘a ni’ chu ni, ‘a ni lo’ chu ni lo ni mai rawh se; chûng aia chuang aliam chu sual laka chhuak a ni.

‘Mit aiah mit, ha aiah ha,’ an ti tih in hre tawh. Kei erawh chuan ka hrilh a che u, mi sual dodâl suh u; i biang ding lama bêngtu hnênah chuan a lehlam pawh dawh rawh.

Tin, i mit ding lamin a tihtlûk che chuan, kher chhuak la, paih daih rawh; i taksa a puma Gehenna-a paih ai chuan, i taksa pêng pakhat boral chu i tân a ṭha zâwk a ni. Tin, i kut ding lamin a tihtlûk che chuan, tan la, paih daih rawh; i taksa a puma Gehenna-a kal ai chuan, i taksa pêng pakhat boral chu i tân a ṭha zâwk a ni.