Popular Bible Verses from Matthaia 23

Share

In zînga ropui ber chu in rawngbâwltuah a awm zâwk tûr a ni.

Tu pawh inngaihlu apiang an tlâwm ang a, tu pawh inngaitlâwm apiang chawimawiin an awm ang.

Nangni lehkhaziaktu leh Pharisai vervêkte u, in chung a pik e! Pudina te, mohuri te, zira te chu sâwmah pakhat in pe ṭhîn a, dân thu pawimawh zâwk - felna te, khawngaihna te, rinawmna te chu - in ngaihthah si ṭhîn; nimahsela, chûng chu asin in tih tûr ni, a dangte chu tih ṭhulh chuang lovin.

Lehkhaziaktu leh Pharisai vervêkte u, in chung a pik e! No leh thlêng pâwn lam in sil fai a, a chhûng erawh chu hlêprûkna leh insûm lohnain a khat si a.

Aw Jerusalem, Jerusalem, zâwlneiho thattu! I hnêna an rawn tirhte lunga lo dêng hlumtu, arpuiin a notê a thla hnuaia a awp khâwm angin i fate vawi eng zât nge awp khâwm ka tum kha! Nimahsela, in duh si lo.

Nangni pawh chutiang takin, pâwn lamah chuan mihring mit hmuhin fel takin in lang ṭhîn a, in chhûng lamah erawh chuan vervêkna leh sualnain in khat si a.