Popular Bible Verses from LEVITICUS 26

Share

In zîngah ka chêng ang a, in Pathian ka ni ang a, nangni pawh ka mite in ni ang.

ruahtuite chu a hun têah ka tlâktîr ang a, lei chuan thil a hâwntîr ang a, rama thingte chuan rah an chhuah ang a.

Ka thuruatte chu in zawma, ka thupêkte in pawma, in zawm chuan

He ram hi râlmuang takin ka awmtîr ang a, in mu hle hle ang a, tu mân an tihlau lo vang che u; ramsa sualte chu he ram ata hi ka hnawt ṭiau vang a, khandaihin in ram a fang tlang hek lo vang.

Tin, ka duhsak ang che u a, chi tam tak ka thlahtîr ang che u a, ka tipung ang che u; tin, in lakah ka thuthlung ka tinghet ang.

Kei hi LALPA in Pathian, an bâwih in nih lohna tûra Aigupta ram ata hruai chhuaktu che u chu ka ni a; in nghâwngkawlte chu ka titliak a, ding charin ka kaltîr tâk che u hi.

In zîngah ka biak bûk chu ka awmtîr ang a, ka nunna chuan a hnuchhawn lo vang che u.

Milem in insiam tûr a ni lo va, milem siam chawp emaw, lung phun emaw in din tûr a ni lo va, chibai bûk atân in ramah hian milem chuanna lung in phun tûr a ni hek lo: kei hi LALPA in Pathian chu ka ni si a.

Rei tak in vawn a hluite chu in ei ang a, a thar dah nân a hluite chu in la chhuak ang.

Mi pangain za in ûm ang a, zain sîng in ûm ang a; in hmêlmate chu in hmaah khandaiha thahin an awm ang.

In hruiha buh chuan grêp lawh hun a man phâk ang a, in lawh chuan thil chîn hun a man phâk ang a; in chhang chu hnianghnârin in chên ang a, in ramah hian thlamuang takin in khawsa ang.

In hmêlmate chu in ûm ang a, in hmaah khandaiha thahin an awm ang.

Ka Chawlhnite chu in serh ang a, ka hmun thianghlim chu in zah tûr a ni: kei hi LALPA chu ka ni.