Popular Bible Verses from LEVITICUS 19

Share

Phuba i la tûr a ni lo va, i chipui thlahte huatna i pai tûr a ni hek lo; nangmah i inhmangaih angin i ṭhenawm i hmangaih tûr a ni zâwk. Kei hi LALPA chu ka ni.

Mitthi avângin in taksa in zai tûr a ni lo va, in inṭial tûr a ni hek lo: kei hi LALPA chu ka ni.

“Israela thlah, mipuiho zawng zawng chu bia la, an hnênah, ‘In thianghlim tûr a ni; kei, LALPA in Pathian hi ka thianghlim si a.

I rilruin i unau i haw tûr a ni lo. I ṭhenawm chu i zilhhau ngei tûr a ni, a sualnaa i hul nân.

Ramhuai aienthiam zâwlte chu pan suh ula, dawithiamte pawh in bawlhhlawh phahna tûrin zawng chhuak suh u: kei hi LALPA in Pathian chu ka ni.

I chipuite zîngah mite rêlin i vâk vêl ruai tûr a ni lo va, i ṭhenawm thisen thûah a ni lo zâwngin i ṭang tûr a ni hek lo: kei hi LALPA chu ka ni.