Popular Bible Verses from ISAIA 51

Share

“Nangmahni thlamuantu che u ka ni a; mihring thi leh mai tûr, hlobet ang lek hi engati nge in hlauh le?

Tin, vân khi ka kaih pharh theiha, leilung nghahchhante ka phûm theiha, Zion-ho hnênah, ‘Ka mite in ni e,’ ka tih theih nân ka thute chu i kâah ka dah a, ka kutin ka hûm che a ni.”

Felna hretu, ka dân thu thinlunga pai mite u, ka thu ngaithla rawh u; mihringte sawichhiatna hlau suh ula, an hauna che u avângin mangang hek suh u.

LALPA chuan Zion chu a thlamuan ta si a; a hmun chhe tawhte zawng zawng chu a thlamuan a, a thlalêr chu Eden angin a siam a, a ram ro chu LALPA huan angin a siam bawk a; chutah chuan lâwmna leh hlimna te, lâwmthu sawina leh hla sa thâwm te a awm ang.

Tin, LALPA tlante chu an kîr leh ang a, hla sa chungin Zion chu an thleng ang a, chatuana lâwmna an lû chungahte a awm tawh ang. Lâwmna leh hlimna an hmu ang a; lungngaihna leh rûmna chu a bo tawh ang.