Popular Bible Verses from ISAIA 49

Share

“Hmeichhiain a fapa, a rîla rah chu, khawngaih lohna tûrin a fa, a hnute hne lai chu a theihnghilh thei em ni? Thei e, chûngte chuan an theihnghilh a ni thei e; nimahsela, kei chuan ka theihnghilh lo vang che.

En teh, ka kutphahahte hian ka ziak che hi; i kulh bangte chu ka hmaah a awm reng a ni.

LALPA chuan heti hian a ti: “Dâwn e a! Mi chak tak salte meuh pawh chhan chhuahin an awm ang a; mi hlauhawm râllâkte chu chhuhsakin an awm ang; nangmah dotu chu ka do dâwn si a, i fate pawh ka chhandam dâwn a ni.

a ni, ani chuan, ‘Jakob-ho hnamte tundin nân leh Israel-ho zînga humhimate chu awmtîr leh nâna ka chhiahhlawha i awm hi thil tê tak tê a la ni; Jentail-te tiêngtuah ka ruat bawk ang che, kâwlkil thlenga ka chhandamtua i awm theihna tûrin,’” a ti a.

Aw vânte u, hlim takin zai rawh u; aw leilung, hlim takin awm rawh; aw tlângte u, hla sa chhuak phut rawh u! LALPA chuan a mite chu a thlamuan si a, mi, hrehawm tuarte pawh chu a khawngaih dâwn a ni.