Popular Bible Verses from ISAIA 41

Share

hlau suh u, kei in hnênah ka awm si a; mangang suh u, kei in Pathian ka ni si a. Ka tichak ang che u a, a ni, ka ṭanpui ang che u; ka felna kut ding lamin ka chelh reng ang che u.

Kei LALPA in Pathian hian, ‘Hlau suh u, ka ṭanpui dâwn a che u,’ tiin in kut ding lam chu ka chelh dâwn si a.

Ngai teh, in chunga lungni lo zawng zawng chu mualpho tak leh zak takin an awm ang; nangmahni hnialtute chu eng mah lo ang an ni ang a, an boral ang.

nangni leilung tâwpna ata ka mi hruai, a kil ata ka mi koh, ‘Ka chhiahhlawhte in ni, paih thla lovin ka thlang zâwk che u,’ ka tihate u

Nangmahni hnialtute chu in zawng ang a, in hmu si lo vang. Nangmahni dotute chu eng mah lo ang an ni ang a, thil awm lo ang mai an ni ang.

Nang Jakob changpât leh Israel mite u, hlau suh u, ka ṭanpui ang che u,” LALPAN a ti, nangmahni tlantu che u chu Israel-ho Mi Thianghlima chu a ni.

Nimahsela, nangni Israel-ho, ka chhiahhlawh, Jakob-ho, ka mi thlan, ka ṭhian Abrahama thlahte u

Tlâng sâng kawlh vel vulah chuan luite ka luan chhuahtîr ang a, ruam laiahte chuan tuihnate ka chhuahtîr bawk ang; thlalêr chu dîlah ka siam ang a, ram ro chu tuihnaah ka siam bawk ang.

Mi rethei leh pachhiate chuan tui an zawng ṭhîn a, a awm si lo va, an lei chu tuihâlin a ro vek ṭhîn; kei LALPA hian anni chu ka chhâng ang a, kei Israel-ho Pathian hian anni chu ka kalsan lo vang.

A tîr ata chhuan zawng zawng kovin, tuin nge thawka, ti zo? Kei LALPA, a hmasa ber leh a hnuhnûng bera hnêna awm hi, a titu chu ka ni.

Thlalêrah chuan sidar thing te, thingrî te, lenhmui te, hriak thing te ka phun ang a; ram rovah chuan fâr te, phân te, tufâr te ka phun za vek ang; LALPA kut chuan chûng chu a ti a ni tih leh, Israel-ho Mi Thianghlima chuan a siam a ni tih an hmuha, an hriata, an ngaihtuaha, an hriat thiam tlânna tûrin.