Popular Bible Verses from THUHRILTU 9

Share

I kutin tih tûr a hmuh apiang chu theihtâwpin ti rawh; thlân i kalna tûrah chuan thiltih tûr emaw, remruat tûr emaw, hriatna emaw, finna emaw a awm si lo va.

Ka han thlîr leh a, ni hnuaia intlânsiaknaah mi chak chu a hlawhtling chuang lo va, indonaah mi huai a hlawhtling chuang hek lo; mi fingin ei tûr a hmu bîk lo va, mi nikhaw hria an hausa chuang hek lo va, mi themthiamin duhsak an hlawh chuang hek lo, mi zawng zawng chungah hun leh khawrêl ang angin a thleng mai zâwk tih ka hmu a.

Ni hnuaia a pêk che i hun eng mah lo chhûng zawng chuan i nupui, i hmangaih hnênah chuan nun nuam takin awm rawh; chu chu dam chhûnga i chanvo leh ni hnuaia i thawh rimnaa i chanvo chu a ni si a.

Kal la, lâwm takin i chaw ei la, thinlung hlimin i uain in rawh; Pathianin i thiltihte chu a pawm tawh si a.

Finna chu indona hriamhrei aiin a ṭha zâwk a; mahse, mi sual pakhatin thil ṭha tam tak a tichhe ṭhîn.

Mi fingte thusawi zawi tê pawh, mi âte zînga rorêltu au vak aiin a hriat ṭhat theih zâwk.

Mi nungdamte chuan an la thi dâwn tih an hre si a, mitthi erawh chuan eng mah an hre lo va, lâwmman an nei tawh ngai lo va, hriat reng pawh an hlawh tawh hek lo.