Popular Bible Verses from THUHRILTU 7

Share

I rilruah thinur hmanhmawh suh, Mi âte ṭânglaiah a châm ṭhîn, thinurna hi.

Ṭhat nîah chuan lâwm langin, Chhiat nîah chuan ngaihtuah rawh: Pathian chuan pakhata pawh chu a dang ang bawka a siam a ni si a, Mihring chuan a hnu lam tûr a hriat chhuah loh nân.

Thil tâwpna chu a ṭha zâwk ṭhîn, a ṭanna aiin, Rilrua chhel hi a ṭha zâwk, rilrua chapo aiin.

Thil ṭha titu, thil sual ti hauh lo khawpa mi fel chu lei chungah hian an awm lo tak zet a ni.

Finna hi himna a ni si, Tangka sum himna a ni bawk; Hriatna ṭangkaizia erawh chu, A neitu nun chu finnain a tiharh ṭhîn.

A ṭha zawk e hming ṭha, hriak to aiin, Pian ni aiin thih ni.

Mi fing zilhna ngaihthlâk a ṭha, Mi âte hla ngaihthlâk ai chuan.

Lusûn ina kal a ṭha e, Ruaiṭheh ina kal ai chuan; Chu chu mi zawng zawng tâwpna a ni si; Nungdamin thinlungah an vei chu.

Mi fingte thinlung a châm reng lusûn inah, Mi âte thinlung erawh hlimhlawp inah.