Popular Bible Verses from THUHRILTU 5

Share

I ka chu hmanhmawh suh se, Pathian hmaa thu eng pawh chhâk chhuak tûrin i thinlung pawh hmanhmawh suh se, Pathian chu vâna awm a ni a, nang chu leia awm i ni si a; chuvâng chuan i thu pawh tlêm rawh se.

Mi tu hnênah pawh Pathianin hausakna leh sum leh pai a pêka, chumi chu chên tûrin theihna te, a chanvo pawm theihna te, a thawhrimna nuam tih theihna te a pêk hi, hêng hi Pathian thilpêk a ni.

Tangka sum ngainatu chuan tangka sumah duh tâwk a hmu lo vang a, hausak ngainatu chuan duh tâwk a hlêp hek lo vang. Hei pawh hi eng mah lo mai a lo ni.

Pathian ina i kal laiin i ke vêng ṭha rawh; mi âte inthawina ai chuan ngaithla tûra rawn hnaih hi a ṭha zâwk si a: thil ṭha lo an tih an hre si lo.

Pathian hnêna thu i tiam chuan ngaihthah suh; mi â chu a lâwm si lo. I tiam chu hlen ngei rawh.

Thu tiama hlen si loh ai chuan tiam loh law law i tân a ṭha zâwk.

Thawk rim chu a ei tlêm emaw, a ei tam emaw, a mut a tui ṭhîn a, mi hausa chuan a thil ngah chu a muthilh loh phah zâwk ang.

A nu pum ata a lo chhuaha saruaka a lo kal ang bawk khân a kal leh ang a, a thawh rim rah eng mah a chhawm lo vang.