Popular Bible Verses from THUHRILTU 1

Share

Finna a nasat poh leh buaina a tam a, Hriatna a pun poh leh manganna a pung.

Thil lo awm tawh chu lo awm tûr rênga kha a ni a, Thil tih tâkate chu tih tûr rêng kha a ni: Ni hnuaiah hian thil thar rêng rêng a awm lo ve.

Thil zawng zawng hi ninawm mai mai a ni; sawiin a siak lo ve: Mit chu a thil hmuhah a tlai lo va, Beng pawhin a thil hriat a kham hek lo.

Thuhriltu chuan, “Eng mah lo mai mai, Thil zawng zawng hi eng mah lo mai a lo ni,” a ti a. Mihringin a hnathawh, ni hnuaia a thawhah chuan hlâwkna eng nge a hmuh?

Ni hnuaia thiltih tâk zawng zawngte chu ka hmu ta a; tin, ngai rawh, thil zawng zawng hi eng mah lo leh thil lothlâwn mai a lo ni.

Chhuan khat an liam a, chhuan dang an lo chhuak a, Lei hi erawh chu a awm reng mai.

Tûn hma thil tu mân an hre reng lo va. Nakinah pawh tûnlai thil hi an hre reng lo vang.

Tin, ka rilru hi finna hre tûr leh âtna leh fin lohna hre tûr pawhin ka hmang a. Hei pawh hi thil lothlâwn mai a lo ni tih ka lo hre ta.