Popular Bible Verses from 2 SAMUELA 18

Share

Chutichuan, lal chu a mangang ta hle mai a, kulh kawngka chunga pindanah chuan a chho va, a ṭap a. Tin, a chhoh pah chuan, “Aw ka fapa Absalom, ka fapa, ka fapa Absalom, i aiah han thi teh zâwk ila aw! Aw Absalom ka fapa, ka fapa!” a ti a.

Tin, Absaloma chuan Davida mite chu a va tâwk ta thut a. Absaloma chu a sabengtung chungah a chuang a. Sabengtung chu sasaw thing zâr buk tak hnuaiah a lût a, Absaloma lû chu sasaw thingah chuan a tâng ta a, lei si lo, vân si lovin a uai ta reng mai a. Tin, sabengtung chu a tlân ta zêl a. Tin, tu emaw hian a hmu a, Joaba a hrilh a, “Ngai teh, sasaw thinga Absaloma inkhai reng ka hmu,” a ti a.