Popular Bible Verses from Yakobus 5

Share

Nebei aerene onomi yarongkombe naeise, mai uware-uware beko mokaube naei maise naeise wo kombe nane merau maise naeise ebeli bombe. Wali himalainyeboke ro miyae yae ebeli bonnele hee, naei ebeli bonnele elae bele nane merau naei riyeufike hului benate.

Mai nolona ro miyae kena bekore mokoyeumi rambunde hubanainyelena, nebei naeise Allahre ebeli bonnehinde. Ro hi miyae hi kena rei mai hubannelena, Allahre ei moloi-moloise koi bae yae konnele.

Tuhan Naei a elelere hila rabo halenainyele hului ebeli bonainyelene, era buloone kole kiyae onomi yennele. Tuhan benen elae yennele. Nebei ro me u beko mokoukoke era, nebei ro naei me u beko Tuhan faeinyennebonde.

Mai nolona ro miyae mbai era buloone kondena, jemaat be yun be yebae hebate yore kaenemmikonde menate. Nebei yo yae era buloone kole kiyaere Tuhanbe Ro einye minyak na uwane hobenainyekonde, Tuhan onomire yennele naei ebeli bonainyehinde.

Bene nekenayembe nda niyae: Ro miyae hi nebei beko bako imokowole kiyaere a usaei wennekonde nane merau nebei ro miyae naei u mekai beko mara bukennehindena, nebei rore hole molonnebonde. Rabuhine ban neyae ebukei nekendena, here no unulu bele waheikoke wanen nebei ro miyae Allahle waheneikonde. Nane merau bukennehindena, nebei ro miyae naei beko yoni-yoni Allah faeinyembonde.