Popular Bible Verses from Yakobus 1

Share

Aka naei baeke naei, mai waline kena beko mokonembombe rambun yoni-yoni ennehubambe heene mai kenabe na rei mai yae mo kombe. Rabuhine ban mayae maisaei mai hila rabo halaeungere u mali bele yae hubanayembe walora kena mauferawekoke yae na hibi-hibi Wali Ondofolole a wembe hului mokombe u mekaise isaeyembe.

Mai nolona ro miyae hi na isaei hebaen kalo moloungena, Allahre riyennehinde, nebei isaei hebaende a yae ohoroiboi Na kena faere-faere yae yennele.

Aka naei baeke naei, reyae buhaere haemale yo, nda a isaeisembombere borombo, Yesus Naei a elelere u hale yae borombo, u hale eleyeijae, nane merau ikele u hale okoyeijae.

Nebei u mekai isaeyaeuboke hee mayae henauboke ro miyaere yembombe. Mai wali himalainyeboke yo wanen nekembe nane merau Wali Ondofolole a wembe huluinye mo nekembe.

Yesus Naei a elele huluinye mayae mokombe hele, angkaei boroi-boroise mo oboroijae. Rabuhine ban a boraukoke hului omokoyeinya, menaeijae mai uware ame-amebe baeunge.

Ro miyae kena bekore mokonnele rambun yoni-yoni menainyehubande heene kena yae heraweubonde na hibi-hibi Wali Ondofolole a weunge hului yae mokondena, nebei ro onomi foka hubanainyele. Rabuhine ban Allah are heteungekoke hului ro miyae Nare buhaere haeinyeke yore wali hena bona yae me buhaere inyemile. Nebei sului mbai Wali Ondofolole a weumi hului mokate ro miyae naei kena bekore mokounge rambun bele baensondera Allah yae wali hena bona me buhaere inyemile.

Ako Allah yakuna hehe yoni-yoni mokouboke Kiyae. Unulu yoni-yoni mahi ibewate nebeibe Allah nebei wanen ban, ma hire eyeiboi. Rambun na foi sele nemene Allahlera wate.

Ro miyae mbai Yesus Naei a elelere angkaeise mo boroube nebei a elele huluinye ehakoi omokoinya, nebei ro miyae na be yoi be nulune ereuboke wanen. Nane fen nare ereukoke elebe na hibi hele na be yoi be nulune kaneungeboke mare haneungekoke.

Aei Ako Allahle ro be ro yoinye me u na hele nane merau na foi nda niyae: miyae nannale holona bele ako ban nake ban fa-fa bele hakonaimile, ei haungaimile, nane merau nda kani kelana wali beko nibire moi bulenainyebonde.

Ro miyae mbai bekore mokombondere umali hubannele hee, Allah yae umali hubaunge a yae eleijae. Rabuhine ban beko yae Allah umali ehubaisi hului nane merau ro miyaere Allah umali ehubayei. Nebeibe ro miyae u mekai beko yae wabeisiyeunge eituwele kiyae nebei ro miyae nenaeijae na bekore kena haehae kole mokondere elae yae yoboiboyeunge nane merau aefoyoungene.

Mayae Yesus elele are hila rabo halaeunge aka baeke holona yo hiwa eba he bele hiwa eba he ban nekate. Eba he ban nekaube yo, rei mai kon. Rabuhine ban Yesus Naei a elelere mai hila rabo kusei mahei ban mae halaeubene, Allah mare ro bele ro miyae yae me baeyembe.