Popular Bible Verses from Mencrer Xà 51

Share

Ỹhỹ, ijõ Inxũ Cati, imã ite amji kam ijapac xà tetetti impejti gõ, mãr wa ato pit mã hupkre cahkô to ipa ita na. Ne ite ato amji kam ijapac pejti xà caxuw, imã ite amji kam ijapac xà tuwti gõ.

Ne cama hipêr imã ate ipytàr pyrên ijakryti na ito, ne ita caxuw ite akam ijapac prãm na ito, mãr wa akampa.

Ne nee amji tête põ mã imẽn nare, ne nee ipê ikam Acarõ Pejti ita caxàr nare, ne quêt hipêr ajpẽn kam pahhônco na ito.

Ỹhỹ ijõ Inxũ Cati, wa ite ampo to acajpuaw prãm xà ata na amã ihprãm nare, ne quêt amã icrire na ito prãm. He wa ite ikên ton ita to amji japackre, ne imã amji kĩn nare, ne ipeacre ata na ri amã ito prãm. Ne ite ikên ton jicu ne akôt pit mã ipa to prãm ata kôt, ca ha ina amji capa.

Ijõ Inxũ pê Pahpãm, icaprĩa ne. Wa itea ikên xà pê ampo kên ita to amji tũm. Ne amã ikĩn ne amã ijapê rohnỳtti mã ita kam, ca ha imã ikên cunea cuhhõ, ne nee hipêr to amji japackre nare. Ite acuna mã ampo kên ton ita kam ri amã ikêanre. Na ca ha imã ite amji kam ijapac xà kên kam, ite ikên ton ata to caprã. Ne gàhcaprĩa kam, ite ikên ton ata cunea pê icuhhõ, ne ite garkwa jirô pê ipỳm ata hur pa, ne to tojnõ, mãr wa hacpỹa mã itetet.

Ne itête imã, ite amji kam ijapac xà kên tũm ita cuhhõ, wa itetetti to hanea, pom quê hàcwỳn jaka he.

He wa ite nee jũmjê cuna mã ikên xà ita ton nare, ne acuna mã wa ite ton. Ne itỳj ate ita cwỳrjapê ito kên xà na ramã gahkre pej. Ne ca catyt kam apa na ri ate icurê mã imẽn xà ita caxuw, quêt ampeaj kam apejti.