Ne ampo na mã me cupê mehcahkrit atajê jõ pahhi kwỳ,
hãn ne Pahhiti te me cumã hõ pahhi xãm ata cuna mã ame cuprõ,
ne ahna ame ajpẽn pa?
Ne me hõ pahhi catêjê me amji to cuprõ,
ne tee ahna me ajpẽn cukij to:
“Jũ mã cu ha ajte me,
ne cute me pahto ihhimpej xà ita pê me pahcato?” hane.
Ne amji caprỳ to me amji mã:
“Jũ wỳr cu ha me harkwa kôt ame papa!
Ne nee quê ha me cupê me pajõ pahhi nare!
Ne nee cu ha me pahnõ amji mã me hũpa to ame papa nare!
Quê ha pea cute me pahto ihhimpej xà ita caxuw
me cupê me carôt hamre,
na cu ha pahtỳj ame papa” hane.