Popular Bible Verses from Mencrer Xà 19

Share

Ijõ Pahhiti, apê ikên pê itête gàmtàr catê, na ca atỳj ikên xà cunea pê ipytà. Imã icakôc xà me, ite amji kam ijapac xà cunea te acajpuaw na to prãm.

Ỹhỹ me ikwỳ, pom wa ite me amã harẽn ita jĩkjê na, cu nee me pahnõ amji mã hamã, ne Pahpãm pê me papimxur nare. Cwỳrjapê cu ha pahtỳj me pajõ Pahhiti jarkwa pejti, kam ampo kên nare ata kam, me pajapac na me amji to prãm. Ne cute me pajapackre xà ata, ihtỳj me pamã me pahcarôt to intuw. Ne quê ha me pahnõ pê hahkre kêatre, quê ha me pajõ Pahhiti te ampeaj kam me pamã harkwa jirên atajê pictor, ne ihkôt hamre xà nare atajêa to cumã hahkre, quê ha hahkre pej, na cu ha pahtỳj amji mã me to pahhimpej.

Ỹhỹ me ikwỳ, wa ha me amã ite Pahpãm to amji kam ijapac xà na harẽ. Cu me côjkwa pupu ita, ihtỳj hirã pê me pamã Pahpãm catia to cati na harẽ. Ne Pahpãam te ri kam caxêre me, kam ampo itajê cunea ton.

Ne me pajõ Pahhiti te me pamã ampo to hahkre xà ata ri quêt catyt kam ihcuhtacti. Ne pahte me kam pajapac catêjê ri, ampeaj kam me pajakry. Ne cute me pajapackre xà kam ampo kên nare itajê, ihtỳj pahte ampo cunea jahkre pej na me pahto, cu me hahkre pej.

Cu ha pahte amji mã Pahhiti cupahti to me papa na, cu ha kam me pajapac to me papa rohnỳtti mã. Ne me pajõ Pahhiti ita pê ihhêj xi jahkre kêatre, ne cumã ampo cunea jahkre pej. Cwỳrjapê quê ha mehcukij xà jõ amcro kam, cute jũm pejti na harẽn to: “Ampeaj kam jũm ita pej” hane. Ne hanea ne jũm krã kên ata jarẽn to: “Jũm ita krã kêanre” hane.