Popular Bible Verses from 1 Jowãw 3

Share

Ne nee cu ha me pajarkwa to pit mã ame pahkjêjê kĩn, ne me to impej nare. Ne me hàpên xà na cu ha me tehcajpa, ne me to impejti ne, ne ampeaj kam me pamã mehkĩn. Ne quê me anõ mã ampo, ca me akjêjê nõ pupu quê apu ampo na prãm to mõ, ca ha hõmpu ne atỳj gàhcukrêj to ihtehcajpa. Nãmri ca ha ate nee me akjêjê caprĩ nare, ne nee mehtehcajpar nare ita kam, jũ mã ca ha ajte ne amji jarẽn to: — Imã Pahpãm kĩn — hane?

Jũ mã cu ha ajte me, ne me pamã ajpẽn kĩn ita na me ajpẽn jahkre pej? Me Jeju pupu he. Ampeaj kam cumã me pahkĩn, cwỳrjapê ri me pajaxà kam ihtyc. Ata pê ri me pamã ajpẽn kĩnti xà. Na cu ha me pamã me pahkjêjê kĩn hanea, cu ha pahtỳj mencwỳrjapê me pahtyc na me amji to ihtỳj tu to me papa.

Pỳhàpà, he Pahpãm mã me pahkĩan to me pahkĩn! Ne ihtỳj cute me pahto amji kra. Mã pjê kam me cupê Pahpãm tekjê nare, ne ma ame curê atajê pê me papê ihkra na me pajahkre kêatre. Ampo na? He nee me Pahpãm jahkre pej nare na ri.

Nãmri quê ha jũm te mãnea mã ihkên ton to ipa na, quê ha Pahpãm cuna mã ihkêanre ne, ne cupê me pahcurê xwỳnti pê Xatanaj tekjê. Ampo na? Pê Pahpãm pjê ton pêa mã, pê Xatanaj ihkên ton kam tẽ. Cwỳrjapê ri cute Xatanaj jàpên xà cunea to hamre xà caxuw me Pahpãm kra cato.

Ne por me cupê Pahpãm kra atajê, nee mehkên ton kam me to incrà nare. Ampo na? Me caxwãm pê Pahpãm te amji kam hapac xà hàpên to ipa na ri. Ne Pahpãm pê me Hũam to me Hũm ita kam, jũ mã quê ne ajte mehkên ton kam me to incrà? Jũ wỳr quê jũm hane!

Ne nee cu ha me pajarkwa to pit mã ame pahkjêjê kĩn, ne me to impej nare. Ne me hàpên xà na cu ha me tehcajpa, ne me to impejti ne, ne ampeaj kam me pamã mehkĩn. Ne quê me anõ mã ampo, ca me akjêjê nõ pupu quê apu ampo na prãm to mõ, ca ha hõmpu ne atỳj gàhcukrêj to ihtehcajpa. Nãmri ca ha ate nee me akjêjê caprĩ nare, ne nee mehtehcajpar nare ita kam, jũ mã ca ha ajte ne amji jarẽn to: — Imã Pahpãm kĩn — hane?

Quê ha jũm te Pahpãm te cumã harkwa jirên itajê na kam hapac to ipa na, quê ha cume ajpẽn hônco tu ne, ne ajpẽn kam mehkrĩ. Ne pê Pahpãm me pamã Carõ Pejti gõ, cwỳrjapê ri me pamã ita jahkre pej.

Mẽr me Pahpãm kra, me Xatanaj kra te amji kam hapac xà to me ajpẽn ne me hõmpu. Por jũm nee catyt kam ipa nare ata me, cumã ihkjê kĩn nare ata hirã pê nee cupê Pahpãm kra nare, ne cupê Xatanaj kra.

Imã me ijõ ikwỳ nõ kĩnti itajê, por pê wa mam me amã Pahpãm jarkwa jarẽ ata, wa ha hipêr me amã harẽn to mõ: — Cu ha me pamã ajpẽn kĩnti ne — hane.

Ỹhỹ me ikjêjê, he me cupê pjê ita tekjê catêjê te ihkên ton to hajỹr tũam. Ne quê ha cute me hajỹr catêjê ma ame acurê, ca nee me amji mã: — Pỳhàpà, ampo na mã ame icurê? — hajỹr nare.