Popular Bible Verses from 1 Corinti 15

Share

Ỹhỹ, imã me ikjêjê kĩnti itajê, he ampo itajê cunea cwỳrjapê, ca ha atỳj me pajõ Pahhiti to amji mã me ahimpej kam me to acrà tu ne, ne nee jũ caxuw kam me apec nare. Ca me pajõ Pahhiti mã apê ita kam, quê ha nee me gàpên xà ita kôt apê hamre nare na, ramã me amã hahkre pej. Cwỳrjapê ca ha atỳj cumã gàpên xà ita to pit mã hupkre cahkô to me apa.

Ne jũm kôt mã pahte me pahtyc xà ita tohjê? He nee mã jũm kôt nare, me pajõ Pahhiti pê Jeju Crixtô kôt, cu pahte me tohjê. Na cu ha Hũm pê Pahpãm te me pamã ihkra pê Jeju kujahêc ata pyrên me pajakryti na cumã me amji jarẽ.

Co he! Me guphêa ne, mãr quê nee jũm me amã ihhêj nare! Ampo na? He cu ha mehkrã kên kôt me papa, ne me pahna ahtũm nare, quê ha hanea ne me pahkrã kêanre ne.

Cakrô mã nee ite Pahpãm to kên ita jahpan xà na, cute icaca nare, ne ihtỳj quêt cute, ite cumã harkwa na iprar catê na amji mã icapi, ne Pahpãm te ito impej xà ita kôt hamre nare, na wa itỳj cumã ijàpên to ipa. Ne Pahpãm te, ite cumã ijàpên xà na itehcajpar xà ita kam, wa harkwa na cumã memprar catêjê cunea jirôa pê cumã ijàpên to catia to ipa.

Pê ramã Pahpãm jarkwa to mehcakôc catêjê pê Ixaj xwỳ me, Hôxêj xwỳ, harkwa kôt hõ kàhhôc kam hacpỹa mã me pahto pahtĩr, ne amji to me papintuw xà na ajwar mehhôc to: “Me pahte me pahtyc xà pê me pahcurê xwỳn tohjê, ne me to hamre partu. He me pahtyc xà pê pacti pêrhy xà, ne ihtỳj me pahcãmxê. Ne hacpỹa mã me pahtĩr xà ata pê pacti curan xà pyràac. Na cu me pahtĩr rohnỳtti mã xà ita kam, nee hipêr jũ caxuw me pamã me pahtyc xà cupa nare” hane. Cu ha Mojxe xwỳ jõ kàhhôc kam Pahpãm jarkwa jirô pê me pahpỳm xà ata pê pahte me Pahpãm to kên, cwỳrjapê ri ihtỳj me pahtyc xà.

Cormã nee ate me ampo jahkre pej nare ata jarẽn na, me ikampa. He cu ha nee me pahcunea me pahtyc nare cakrô, cu ha pahtỳj caxuw ame pajĩ to antuw to hane he. Quê ha côjkwa pĩn hõhhi cakôr jicu xà ata jõkre kampa, me ajkaam, hũjarêan kam, cyt ne, me amji to antuw pyrentu. Ỹhỹ, ampeaj kam, quê ha mehtyc hacpỹ mã mehtĩr me ajkaam, cu ha me pahcunea nee jũ caxuw me pajĩ tyc xà nare ata wỳr me amji to antuw, mehtyc ne hacpỹa mã mehtĩr atajê mea mã.

Ne pê hũmre pyxit peaj pê me panquêtti pê Atãw to kên ata cukwa kam ri, me pahcunea tyc xà. Jĩkjê na mã, hũmre pyxit peaj pê Jeju Crixtô ata cukwa kam, cu ha quêt me pahcunea hacpỹ mã me pahtĩr.

Ne me pajĩ ty, ne ihcacu xà wỳr pra itajê, ihtỳj cute amji to ipintuw xà pit, mãr quê nee jũ caxuw hipêr ihtyc nare. Nãmri quê ha nee cute amji to ipintuw nare na, quê ha nee Pahpãm cahê na ihkrĩ nare.

Ne quê ha Jeju Crixtô me to ihhimpej to ipa ita kam, quê ha ahnaa Hũm curê xwỳn catêjê cunea ihkra par krac ri me nõr na me to, quê ha me nõ. Quê ha cute me tohjê na me hahkre pej xà na, me hipy ihpar xãm. Ne quê ha me pahtyc xà pê me pahcurê xwỳn ata, quê ha hapua na hicu xàa kam me to hamre.