Popular Bible Verses from Luùm 16

Share

Wo Dayà, wo yèɔ kiɛ̀ŋ ke jii fàa wɔ̀, do nàŋ jìwè wo Sɛ̀tanàŋ e teenga kpuu sùà, e kìlà woiŋ wuŋ hòà ko gòlòò dìì. Mìŋ zoolà wèè e tɛ̀ɛ̀tɛ̀ɛ̀ wo Kana wiɔ̀ Jisɛ̀ Kulaì eiŋ nɔ̀ŋ maŋjɛ̀wɛ.

Mìŋ yààìŋ dàwè sùà, nyɛ̀iŋ nààŋ wùìyaim nyàŋ kɛ̀, jàaìŋ fɛ̀ɛ̀ dìì wèè anyùùŋ nyaŋ nyɛnɛŋ anyùùŋ aŋ gòònò e tɛɛ, yèè aŋ sùmìàŋ aŋ dàwi wèè e hààweɛ̀ nìŋ naŋ jàà kùàŋ dìì lɛ. Ɓɔ̀ nìŋ ka nyiŋ è tɛɛ!

Anyùùŋ nyaŋ nyɛnɛŋ maŋ keì mɛɛ̀ŋ nyaŋ, aŋ gò kpɛɛ̀ŋ wèè aŋ tomo wèè wò Kana wiɔ̀ Jisɛ̀ Kulaì, àŋ naŋ nɔŋ kpɛɛ̀ŋ wèè nyiŋ bi. Maŋ mìè gbòa ɓuuyè nyiŋ màŋ zuwà anyuùŋ gò nyìmàŋ keì fèemàŋ nyaŋ.

Jòòwò wiìŋ e tɛ̀ɛ̀tɛ̀ɛ̀ Dayàa! Wò ɓɛ̀nɛ̀ŋ nyɛ̀nɛ̀ŋ e hààwe mɔ̀ɛ̀ e nyìngà sùà wèè julɔfɔ esàɓù Ebò Siaàŋ mìŋ naiŋ woò lɛ e nyaàiŋ dè wo Jisɛ̀ Kulaì. Tɛɛ̀ nàŋ yaà ɓɛìŋ e yèɛ ke gbùnuɛ̀ yaà wa ko nyɛɛnɛŋ maŋ doà gɔu bà sùà yɛ. Kɛɛ e tɔ̀ɔ̀nyaàŋ lii è nɔ̀ŋ wòo niŋ ke fòolàa e yìwìà e sìngà aŋ wɛ̀ijì nyaŋ wɔŋ fɛ̀ì Dayàa sùà. Wo Dàyà nyiiŋ gèe gò jùàa naŋ nyiŋ wa woò yèè wò naŋ nyiŋ nyɛ̀nɛ̀ŋ aŋ ɓààyè ebò siaŋ bi koɓɛ̀ anyùùŋ nyaŋ gbiŋ e ɗuunyaàŋ sùà, wèè kɛ̀ aŋ jɔɔlɔ̀ e kìlà aŋ kɛɛnɛ̀ŋ hààwe. Tɔɔɓaa, esàɓù Jisɛ̀ Kulaìɛ sùà, è joowàìŋ wo Dayà guùŋ kɛ̀ɛ̀nɛ̀ŋ jiikɛ̀ɛɔ̀ wèè julɔfɔ. Àmiinàŋ.