Popular Bible Verses from Nyɛ̀nɛ̀ŋ 11

Share

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà. Wo Bànaŋɓà kuwa wa ke kpèè siaŋ yèè e hààwe gbee, yèè wo Jìnàŋ Nɛɛmaàŋ nauŋ wa dìèsùà. Esàɓù ke kpèèuŋ nɛɛ̀ŋ anyuùŋ zimgbe naŋ wa kɛ̀ɛ̀nɛ̀ŋ hààwe.

E yaà janyai kɛ̀ wo Dayà naŋ kìɛ̀ŋ anyùùŋ nyaŋ nààŋ fè àŋ Juùù nyaŋ e kìɛ̀ŋ guùŋ nɛ wò naŋ wi wa kiɛ̀ŋ lɛ nààŋ è naiŋ wa sìè e hààwe wilɛ̀ wo Kanaà Jisɛ̀ Kulaì sùà. Kpeiŋ ɓòò nàŋ yààìm wèè ka gììyà wo Dayà maŋhɛɛ?” Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”