Popular Bible Verses from कलस्‍सि 1

थेआङ्‌भे़ल्‍ले़ खुने़ॽए माक्‍चिगे़न् खादाम्‍माल्‍ले़न् हाङ्‌जुम्‍लाम् आसे़ःप्‍ते़आङ् आबुगे़न् कुमिःम् कुस्‍साःल्‍ले़ कुहाङ्‌जुम्‍मो आनिॽ आदारे़आङ् वाॽरो॥

ख्रिस्‍तलाम् साङ्‌ग्राम्‍पेदाङ् नु इक्‍सादिङ् खाम्‍बेःक्‍मोबा काक् नावागे़न् चइःत् ने़स्‍सुबारो॥ खुने़ॽग निगे़धाःप्‍पा नु निमे़न्‍धाःप्‍मना पाःन्‍हाॽ, हाङ्‌हाॽ नु हाङ्‌जुम्‍हाॽ, हाङ्‌गे़जोःक्‍पाहाॽ नु युक्‍साबाहाॽआङ् चोगुसिबारो॥ काक् पाःन्‍हाॽरे़न् नावागे़न् चइःत्तिन् ख्रिस्‍तलाम् नु ख्रिस्‍तरे़ कुलागिए पोःक्‍खे़बारो॥

निङ्‌वाॽफुमाङ्‌ङिल्‍ले़ नावागे़न् चइःत् ने़मानुःल्‍ले़ तगिए खुने़ॽ वये़, हे़क्‍क्‍याङ् खुने़ॽओ काक् पाःन्‍हाॽ सोसोरिक् हुप्‍सिङ्‌ङाङ् पत्‍लो॥

ख्रिस्‍ते़न् मे़न्‍नि मे़न्‍धाप् निङ्‌वाॽफुमाङ्‌ङिल्‍ले़ कुइःत्‍लो॥ निङ्‌वाॽफुमाङ्‌ङिल्‍ले़ काक् पाःन्‍हाॽ चोःक्‍मानुःल्‍ले़ तगिए खुने़ॽ वये़, हे़क्‍क्‍याङ् खुने़ॽए काक् नावागे़न् चइःत् सम्‍दाङ् युक्‍साबा चोक्‍लो॥

खे़ल्‍ले़चोगुल्‍ले़ खिनिॽ याःम्‍बेओ आनिगे खे़प्‍सुम्‍बे़आङ्‌धोए खिनिॽ लागि चक्‍मे़ल्‍लॽए तुवा चोगुम्‍बे़रो॥ सिक्‍कुम्‍दिङ् निङ्‌वाॽ नु इःत्‍छिङ्‌साम्‍लाम् निङ्‌वाॽफुमाङ्‌ङिल्‍ले़ साम्‍जिक्‍गे़न् कुनिङ्‌वाॽइल्‍ले़ खिनिॽ के़धिम्‍सिर फाॽआङ् तुवा चोगुम्‍बे़रो॥ हे़क्‍क्‍याङ् दाङ्‌बा ये़सुन् लाॽरुबा हिङ्‌मन्‍नो सुम्‍बोधासाबा के़बोःक्‍खिर, हे़क्‍केलॽरिक् काक् परिक्‍ले़ खुने़ॽ कुनिङ्‌वाॽ के़दासुम्‍ल हे़क्‍क्‍याङ् निङ्‌वाॽफुमाङ्‌ङिन् आल्‍लसाङ् नुरिक्‍काङ् कुसिङ् निःप्‍मा के़सुक्‍तुम्‍माङ् काक् नुबा याःम्‍बक्‍किल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ के़दासुम्‍ल फाॽआङ् आनिगे तुवा चोगुम्‍बे़रो॥