Nono ča iwiapagare pugeje. Nono imeardure baru tadawuge eiamedu boe eraji, moto kejewuge eiamedu boe eraji, pobo tadawuge eiamedu boe eraji, bope doge eda kejewuge eiamedu boe eraji. Boe eiamedu boe eragodure. Egore: – Pamago pemegawo Cordeiro Jesusji du akedumodukare. Pamago pemegawo nou Boe Eimijera Kurireuji du akedumodukare. Pamode ie kurido. Pamode boe erduwado raka kodure boe eiamedu boe eraga kori duji. Pamagomode aino jii toro rugadu. Nou pamago akedumodukare rugadu.