Popular Bible Verses from Boe Oto Padure Kejeboe Reo 5

Share

Nono nou barege, nou boe eimijerage erare ia roia maiwuji Cordeiro Jesus joki. Egore: – Aki awidodure awo aku redo boe eiamedu boe ero pegareu moriče. Ainore arore awo akirodo boei Pao Kurireu ai. Mare boe eiamedu karega emeartorure ai. Moto jamedu boe parugajejewuge iage emeartorumode ai. Mare iage emeartorumodukare ai. Are akeragu ei emeartoruwo ai dukeje are emaragodudo Pao Kurireu ai ewo boe enomea maku tu tu Pao Kurireu ai. Boe eimijerage umode emage. Dukodire aki apemegare rugadu awo akeragu nou baperaji awo nou bekuru tawuje nou bapera piji awo jado.

Nono eragodure jamedu. Egore: – Bitodureu Cordeiro pemegareu Jesus nure aki. Dukodire apemegare boe emago pemegawo ai. Apemegare boe ewo akie kurido. Boe erduwawo boe eimijera kurireu nure aki duji. Boe erduwawo araga kodure boe eiamedu boe eraga kori duji. Boe emagowo arduware boe jamedu boe jituji. Akoe kuriwo boe eiamedu boe ekori du pemegare rugadu.

Nono nou barege, nou boe eimijerage erare ia roia maiwuji Cordeiro Jesus joki. Egore: – Aki awidodure awo aku redo boe eiamedu boe ero pegareu moriče. Ainore arore awo akirodo boei Pao Kurireu ai. Mare boe eiamedu karega emeartorure ai. Moto jamedu boe parugajejewuge iage emeartorumode ai. Mare iage emeartorumodukare ai. Are akeragu ei emeartoruwo ai dukeje are emaragodudo Pao Kurireu ai ewo boe enomea maku tu tu Pao Kurireu ai. Boe eimijerage umode emage. Dukodire aki apemegare rugadu awo akeragu nou baperaji awo nou bekuru tawuje nou bapera piji awo jado.

Nono ča iwiapagare pugeje. Nono imeardure baru tadawuge eiamedu boe eraji, moto kejewuge eiamedu boe eraji, pobo tadawuge eiamedu boe eraji, bope doge eda kejewuge eiamedu boe eraji. Boe eiamedu boe eragodure. Egore: – Pamago pemegawo Cordeiro Jesusji du akedumodukare. Pamago pemegawo nou Boe Eimijera Kurireuji du akedumodukare. Pamode ie kurido. Pamode boe erduwado raka kodure boe eiamedu boe eraga kori duji. Pamagomode aino jii toro rugadu. Nou pamago akedumodukare rugadu.

Mačare ia boe eimijera makore i. Akore: – Akragudukaba. Akaiwodo. Iare mitotu je. Israel doge ekimijera kurireu Davi onaregedu nure ema. Iere Leão. Judá uwobe nure ema. Ure boe pegareuge eraga akedudo. Emare pemegare tuwo nou bekuru tawuje bapera piji, tuwo nou bapera jado.