Popular Bible Verses from Boe Oto Padure Kejeboe Reo 13

Share

Nou barogo boigoduwu ure nou barogo boetojiwu ie bu boe eiamedu boe ekera pemegareu poru keje. Etaidumodukare uwo bu tugera poru keje dukeje ure bu eri keje. Rore aino boe kurireugei. Rore aino boe biagareugei. Rore aino oe kurireugei. Rore aino marenarue dogei. Rore aino boe eiamedu boei. Nou barogo ie padumodukare boe ekera poru keje, eri keje dukeje emodukare akirodo ia boeji, emodukare iaboe maku diero bagai. Dukodire jorduwareuge ere nou barogo ie remagu. Du ure 666. Dukodire taeku jado. Ainore jorduwareuge erduwamode nou barogo ieji.

Aino boe eiamedu boe emode tubu jodo tumago pemegawo nou barogoji. Mare meartorure Jesus jiwuge eromodukare aino. Emodukare tubu jodo tumago pemegawo nou barogoji rugadu. Emeartorumodukare nou barogoji. Meartorure Jesus jiwuge ekie padure nou bimodukareuge ekie padure kejewu bapera keje baru tada. Marigudu Pao Kurireu ure moto towuje du otodaire ure nou ekie bu nou bapera keje. Ure nou bapera maku Cordeiro Jesus ai Jesus bire nou boe emugato kodi.

Nou barogo boigoduwu ure nou barogo boetojiwu ie bu boe eiamedu boe ekera pemegareu poru keje. Etaidumodukare uwo bu tugera poru keje dukeje ure bu eri keje. Rore aino boe kurireugei. Rore aino boe biagareugei. Rore aino oe kurireugei. Rore aino marenarue dogei. Rore aino boe eiamedu boei. Nou barogo ie padumodukare boe ekera poru keje, eri keje dukeje emodukare akirodo ia boeji, emodukare iaboe maku diero bagai. Dukodire jorduwareuge ere nou barogo ie remagu. Du ure 666. Dukodire taeku jado. Ainore jorduwareuge erduwamode nou barogo ieji.

Tagaiwodo! Boe pegamode ia meartorure Jesus jiwugei rugadu. Boe emode ia meartorure Jesus jiwuge ewido rugadu. Mare tawudugudo tai jii toro rugadu. Tagaba tagera ra Pao Kurireu piji. Tagaba tagera ra tameartorure Pao Kurireu jitu piji.

Ča iordure ia barogo tuginaiwuji. Ure tudawuje pobo maereu piji. Nou barogo ukiga oto padu kejewure dez. Aora oto padu kejewure sete. Boe eimijera atadawu meture nou ukiga jamedu boe tada. Ia ie pegareu padure nou aora jamedu boe keje. Eiamedu boe emago pegare Pao Kurireuji.

Nono nou barogo urugodure meartorure Pao Kurireu jiwugei. Ure turagado boe eiamedu boei moto jamedu boe parugajeje tuwo emeartorudo pudui. Mare Pao Kurireu rokare iaboeji raga nou barogoji.

Ure boe eiamedu boe ekiripagado turo rakareu tabo. Nou barogo boetojiwu ure nouia barogo ro rakado turo raka mogadure. Ema rakojere nono jamedu. Nou barogo boigoduwu makore boei ewo iaboe towuje. Emoduie udo nono nou barogo boetojiwu mogadure boe eiamedu boe erduwo ji, etaiduwo nou barogo boetojiwuji. Tariga kurireu ure nou barogo boetojiwu aora pegado mare pemegagodure marigudu. Nono nou barogo boigoduwu ure togwamu nou boe ere towujewu barogo okwato dukodire nou boe ere towujewu barogo jewodure. Nou boe ere towujewu barogo makore jamedu. Boe ere tubu jodo tumago pemegawo nou boe ere towujewu barogoji. Mare ia boe ekare tumago pemegado ji. Dukodire nou boe ere towujewu barogo ure ewido.

Nou barogo tuginaiwu ure nono adugore. Mare burere nono urso doge ewure mogadure. Okwa ure nono leão okwa mogadure. Butoriku kurireu ure awu barogo tuginaiwu rakado turaga tabo. Butoriku ure barogo tuginaiwu mugudo tumugure kejewu boe eimijera muga keje. Ure moto kejewu boe eimijeragedo nou barogo tuginaiwuče.

Nou barogo tuginaiwu očarore pudui dukodire mako kurire boei rugadu. Mako pegare Pao Kurireuji rugadu. Ari oto padu kejewure 42 nou barogoji boe eimijera kurireu ure ema dukeje. Mare Pao Kurireu rokare iaboeji jii je.

Nouia barogo tuginaiwu aora pegare. Boe emeardaere bimoduie. Mare pemegagodure. Dukodire moto kejewu boe eiamedu boe ebogodure ji. Eture nou barogo tuginaiwu rekodaji tumeartoruwo ji.

Čare iordure ia barogo tuginaiwuji. Ure tudawuje moto piji. Ukigare pobe. Nou ukiga ure nono ia carneirinho ukiga mogadure. Mare nou barogo makore nono ia butoriku kurireu mako mogadure. Nou barogo boetojiwu paru towu nure ema. Ure boe eiamedu boe edo tubu jodo tumago pemegawo nou barogo boetojiwuji. Nou barogo boetojiwu aora pegareu pemegagodure.