Popular Bible Verses from Boe Oto Padure Kejeboe Reo 1

Share

Pao Kurireu akore: – Ire boe jamedu boe towuje. Aino itaregodumode dukeje imode boe jamedu boe iado jamedu. Marigudu ire. Pao Kurireu nure imi kimo. Itagedumodukare rugadu jii toro rugadu. Iraga kodure boe eiamedu boe ekori. Ainore Pao Kurireu akore. Akedumodukare rugadu.

Iwire mare iewodure pugeje. Nono iwimodukare pugeje rugadu jii toro rugadu. Imire iragare iwo boe eewodudo pugeje. Ia bokware. Imire iragare iwo boe ewarigu bope doge eda kejewu joru pegareuto jamedu. Ia bokware.

Boe etaiwomode awu baperato dukeje boe pemegamode ei. Boe emeardumode awu bakaruji. Emeartorumode ji dukeje boe pemegamode ei rugadu. Awu bakaru ure boe erduwado nuba boe mode boei duji, nuba Pao Kurireu romode boei duji. Awu Pao Kurireu bataru jetumode pudui kuri aino rugadu.

Iordure ji dukeje iwudure bure keje nono ia bireu butu mogadure. Nono ure tugera bu itaora keje. Dukeje čare akore: – Apagudugodukaba. Ire boe jamedu boe towuje. Imode boe jamedu boe iado.

Tagaiwodo! Jesus aregodumode boetugu tabo. Boe eiamedu boe erdumode ji. Nou ure Jesus bitowuge erdumode ji. Boe eiamedu boe erdumode ji. Etragudumode jamedu turo pegare kodi.