Popular Bible Verses from Tiago 4

Share

Dukodire imode tawie. Tameartorudo Pao Kurireuji. Tawiapagakaba bope doge eimijera meardae pegareuji. Tameartorumodukare bope doge eimijeraji dukeje emare rekodumode tabiji rugadu.

Taburedudo Pao Kurireuji tawiapagado bataruji. Tawiapagamode Pao Kurireu bataruji dukeje Pao Kurireu umode tuburedo tai jamedu. Tagera ra taro pegareu jamedu boe piji. Marigudu tamororamagadure Pao Kurireu bataruji tameartoru jokodukare ji. Mare aino ča tameardae pemegado rugadu tameartoruwo tu Pao Kurireuji rugadu.

Tagojarore tawadaru jitu barigu tabiji tawo tado nono Pao Kurireu utugarege emogadure. Taromode aino dukeje Pao Kurireu umode boe pemegado tai. Emare umode boe remawugedo tagi rugadu.

Dukodire Pao Kurireu ure turo pemegareu kurido rugadu nou meartorure puduiwuge etai tuwo eragado rugadu ekawo tugera ra tumeartorure pudui dupiji. Padure bapera kejewu Pao Kurireu bataru akore rugadu. Akore: – Pao Kurireu umode boe pegado očarore puduiwugei tu tu je. Mare umode tugera maku ukare boe remawugedo pudumiwuge etai rugadu tuwo turaga maku etai rugadu. Ainore Pao Kurireu akore.

Boe erduware turo pemegawo mare emodukare nou turo pemegareu towuje dukeje enure turo pegado pudui rugadu.

Mare tamagore Pao Kurireuji ia tagaidure jiboe bagai mare tameardae pegare. Tamagore bagai tawo tagoe kurido du bagai tai taegarewo tagoeji tawo boe pemegado tu tai. Tameardaekare tawo boe pemegado tamedagei. Dukodire tamagore Pao Kurireuji iaboe bagai mare ukare maku tagai.

Awu inagoino jiwu tarore jiboe ure tado nono jeribarire toredu pijiwuge areme emogadure. Mare jeribarire toredu pijiwudo ji karega inagoino. Tare tageragu meartorukare Pao Kurireu jiwuge emeardaeji tameardaeče. Dujire inagoino. Ča iwo tawie. Boe etaidumode meartorukare Pao Kurireu jiwuge emeardae pegareuji dukeje erdu pegamode Pao Kurireuji. Pao Kurireu umode edo nono tuiordu pegare jiwuge emogadure jamedu.

Mare iwo tawie. Pagare tagagoino. Tarduwakare nuba boemode tai barogwato. Tarduwamodukare rugadu nuba boemode tai boeiwu joru keje. Boere nono bokwaro mogadure. Bokwaromode aino ča je. Mare meri rutumode dukeje bokwaro akedumode kuri je. Mare bokwaro ji karega inagoino. Boe ewodumode erijodumode ekurigodumode kuri je. Kuri aino rugadu epegagodumode ewimode kuri pugeje rugadu. Dujire inagoino.