Popular Bible Verses from 1 Pedro 4

Share

Tameardu kurido pui puapo. Tameardu kurimode pui dukeje tawiagodumode taro pegareu jamedu boe piji.

Pao Kurireu ure tuiordae pemegareu maku tagai tamaragodaeče. Mare ure maku tagaiwu tamaragodae mode tu tu tuginai. Dukodi taiamedu boe taragado tai taro pemegawo nou Pao Kurireu ure maku tagaiwu tamaragodaeji tawo boe pemegado boei.

Pao Kurireu ure ia tagi tabemegado tamagowo Pao Kurireu bataruji boe ewiagai. Ča. Tamagodo Pao Kurireu bataruji. Ia tagi Pao Kurireu ure boe etugaregedo tagi. Ča tagera bararedo boei Pao Kurireu ure maku tagaiwu taraga tabo. Dukodire boe emeartorumode Jesus Cristoji. Nono emago pemegamode Pao Kurireuji jamedu tuwo ie kurido rugadu. Boe kurireu nure ema kodi. Boe rakareu nure ema jamedu. Dukodire ro ako akedumodukare rugadu. Dukodi ure aino.

Mare tameartorudo Jesusji. Ia boe erdu pegamode tameartorure Jesus jituji dukodire emode boe pegado tai. Mare tabogurukaba. Tamago pemegado Pao Kurireuji. Jesus Cristo ie meture tagabo kodi.

Boe puredugodunure boe jamedu boe akeduwo rugadu. Dukodi čare taragado tai taro pegakawo. Taeku jado. Tamagodo baruto Pao Kurireu bagai.

Imeardu kurire jiwu imedage nure tagi. Boe pegamode tai rugadu. Mare tamororamagadukaba. Ainore boemode meartorure Jesus jiwugei rugadu. Mare taegaredo tai. Boe pegamode tai nono boe pegare Jesus Cristo jitu mogadure. Nono Jesus aregodumode boe eimijera kurireure pudumi dutabo taegaremode ji rugadu.

Tagera maku puai. Nou utu jaere Pao Kurireu bataru tabowuge tagera maku etai taegare tabo. Mare tamagokaba nou tamaragodae mori bagai.

Pao Kurireu ure boe eiamedu boe etowuje. Umodukare tuwadaru pogurudo. Kodumode tumagore jiboeji rugadu. Nono boe pegamode meartorure Pao Kurireu jiwugei mare Pao Kurireu aidumode dukeje. Mare paga karega ewo turo pemegado, ewo tumagu pudai dubagaire roino ei rugadu.

Ro pegareuge ere boe pegado Jesus Cristoji. Dukodire biri koridodure. Boe pegamode tai jamedu. Dukodi taragado tai tameardaewo nono Jesus Cristo meardae mogadure. Mare boe pegamode boei dukodire emode tugera ra turo pegareu piji. Aino čare tameartorudo Pao Kurireu meardaere jiboeji jii toro tawimode du ka. Tameartorukaba boe etaidure jiwu tumeardae pegareuji.

Tameartorure Jesus Cristoji. Dukodire boe emago pegamode tai. Emago pegamode tameartorure jiboeji. Mare taegaredo tai. Boe pemegamode tai. Tarduware Pao Kurireu Uwari rakojere tagabo duji.