Popular Bible Verses from Ekklesiastes 8

Share

So I sey make wi dey enjoy awasef, bikos di only good tin for dis world na to dey chop, drink and enjoy awa short life. Na so wi go take enjoy di happiness and hard work wey God give us to do for dis world.

If pipol wey sin hundred times still get long life, den I know sey pipol wey dey fear God, na dia life go long pass.

E get time and how to do tins; bikos di king ponishment dey strong well-well.

Wi nor fit kontrol breeze or tok di day wen wi go die. Dat na one war wey wi nor fit run from and wikedness nor go fit save doz wey dey do evil.

Wen dem nor kwik ponish pesin wey do bad, pipol go tink sey e dey good to do bad.

E still get oda yuzles tins for dis world: Sometaims, wi dey trit good pipol like sey dem wiked, den trit wiked pipol like sey dem dey good and na dis dey yuzles pass.

True-true, nobody know tumoro and nobody fit tell anoda pesin wetin go happen tumoro.