Popular Bible Verses from BaRoma 10

Share

Fok, ki i tak na kanu ngɔn fok, “AYeso yet aTisa,” i nɔɔk atsak ayɛt iyɛ ngɔn fok, Adakunom ku donong ni irɛk, i da sɛ isheshek.

Nek iyet ni iyɛ de fɛ́ anet di shan atsak, na di sɛ kusot kutabat. I ti yet ne kanu wu fɛ́ anet di tak fok, aYeso yet aTisa, na di sɛ isheshek.

Nek anɔng, inɔɔk atsak nes nek ifoos itom e, ba foos itom e ni irèn ishara ifɛ̀ Anet-Isheshek.

Ti ifɛ̀ Adakunom di fɛ̀, “Ngma ayɔng fɛ́ a nɔɔk atsak ni iwu, a da sɔ nsum awo jɛm-jɛm.” Nek vit ikaba, ke ni i yet afɛ́ aYahuda, ke afi Ícɛn-iduk ayi, aTisa azining e yet afɛ́ akaangan, a di tes itek wu na akaangan fɛ́ a tsɛt a ku sɛ mo. Nek, “Ngma ayɔng fɛ́ a yes iyerek aTisa, a da sɛ isheshek.”

Na anɛ fɛ́ ba da shara ifɛ̀ me ke da ba tom akak ni ba awɛ? Ti i di se ni ijɛk, “Di yin fɛ́ atak bafi ishara ifɛ̀ itek di sas makiyi!”

Na anɛ fɛ́ ba da yes ayɔng fɛ́ da ba di nɔɔk atsak ni wu awɛ? Na anɛ fɛ́ ba di ki nɔɔk atsak na ayɔng fɛ́ ba man fok ikyi ikak naton wu awɛ? Na anɛ fɛ́ ba da fok dang akak na ka ba shara ifɛ̀ me yɛ?

Nek Anet-Isheshek wu fɛ́ a yet igang ntsi, nɔng kaangan fɛ́ a nɔɔk atsak, bin sɛ kusot kutabat ashon Adakunom.