Popular Bible Verses from AMarkus 9

Share

AYeso fɛ̀ ni wu, “Akyɛ sak ngɔn fɛ̀ ki i da kyem ɛ? Kaakyi ikyɛng da sot anɔng, sak na ayɔng fɛ́ a nɔɔk atsak.”

Ni izen izining, ada nggon e wat a ta kutɔ yɛ, “Imi nɔɔk atsak, di sɛ mo, ni in ya agap avit inɔɔk atsak hom.”

Ama fɛ́ aYeso mi nɔ ayɛt ari me, bafi imɛɛs wu ku rip ni nɛt fok, “Akyɛ de fi i sak iyit kyem in tun yit itseng e awɛ?” AYeso ka ba bun ni ifɛ̀ yɛ, “Kuri ideng kyem i wuruk awo, tit ma na awon.”

“Ntɔk yet ntek, awɛt kɛ nta me mi gang, na anɛ fɛ́ ba da tɛ ba di bun ni nta me yɛ? Iyin sot yin ntɔk ice yin. Nye yin kusot kukyang na banet ngma.”

“Ngma ayɔng fɛ́ a shan nnon naban e tɛ ka ka, ni iyerek hom, imi wu fɛ́ a di shan, ngma ayɔng fɛ́ a di shan, da imi wu fɛ́ a di shan awo, tit ayɔng fɛ́ a di tom.”

Won in ki tak yin atsak, ngma ayɔng fɛ́ a ki nɔɔk yin ashi ni kitsɛn-isɔ ni iyerek hom, nek i yet yin bafɛ́ aKristi, a bi bit izang wu awo.”

I bi yet imaan ikyɛng naton ngma ayɔng fɛ́ a sak azining ayɛt kagyebet bafi ikuus, kpa ayɛt inɛn. I bi dung wat zɔng ke ba ku rosom kuta-ikɔɔ ni itɔ, ba ku barak ni izek.

Ki iyisi ngɔn da saas ikpas ayɛt inɛn, tun ide! I da dung wat ni i nɔ ayɛt igwɔm Adakunom ni iyisi izining, aza fɛ́ ba da ka barak ari irong nɛ ayisi afaa.