Popular Bible Verses from AMatiyu 24

Share

Nek banet anyas bi se dot makiyi, ishim fɛ́ banet bɛ̀ sak na bafidang, bi shirim. Awɛt ayɔng fɛ́ a kyem a nyeseng sak ni igang e, ba bi ku sheshek.

Wat ba bi shara ifɛ̀ itek ifi igwɔm deng kaakyɛ azatse, i bi sot kanu icɛɛt naton banet kusum, ama anɔng, ni igang e bɛ́.

I bi foos yin ncɛɛt naton itsom ni iwoot-ncɛɛt itsom. Ngma na anɔng, i bi fok yin nnyim awo, nek i se gbing-gbing nkyɔrɔk e ni in te anɔng, awɛt igang e mi nye ninyen awo.

Banet ba, bi dorok itsɔm na ba yá. Igwɔm idè da dorok itsom ni igwɔm idá. Ba bi nye nzong ni izuut mben ne narɔ zizɛɛt. Ngma nkyɔrɔk e yɔng yet itumung irus kurɔ ites.

Kazanɛn nɛ kazatse bi gang, awɛt ifɛ̀ hom bi gang awo.

Nek banet dot bi bɛ́ ni iyerek hom, wɛt kaangan ba bi nye, Imi wu in yet Anet-Isheshek e. Ba bi wɔrɔk banet dot.

“Ba bi ki yisik yin, ba bi ki nasap yin ni bɔk banet na ba ki nesek yin izot, na ba ki fɛs yin. Kazatse ngma ka bi ki rayin, nek iyerek hom. Ni izen e yɔng, banet dot bi bun kama ayɛt inɔɔk atsak bá, ba bi rɛs bafidang bá, ba bi raba bafidang bá. Batan nbɔs dot bi wuru, ba bi tes banet dot na ba wey irèn.

AYeso shim, a fɛ̀ ni iba, “Bɛ́ yin ni nhwyɛ yin bakat, kɔn akak bi ki wɔrɔk yin!

Nek anɔng, i se gbing-gbing ni kana nye yin, nek Arim Anet bi bɛ̀ ni izen fi i mi di te yin iyɛ awo.

“Nek anɔng, bɛ́ yin ni nhwyɛ yin bakat, nek da iyin rēn yin atuk e ki izen e, fɛ́ aTisa yin bi bɛ́ awo.

“Vit anet fɛ́ a irēn atuk e ki izen e ayi, pet nɛ batomaza nɛ Arim e, ma Ada me aziwu kyɛk fɛ́ a rēn.

Nek banet-Isheshek mbɔɔs, nɛ batan nbɔs, bi bɛ́s na ba ras ntomong abes nratek, ni nkyɔrɔk ajingjing nɔng ba bin di wɔrɔsɔ banet, pet na bayɔng fɛ́ ba mi tsang ka ba myak, ki i da kyem ite anɔng.

Kpaf ti fi i kin te ni izen aNuhu, kubun Arim Anet yɔng ku bi se kpaf anɔng. Nek ni izen aNuhu me, dang ashi abes e na a bɛ́, ba se ni iyas ni isɔ, bamatek se ni ira nweneng, na ba nesek bangas ni nweneng sak atuk fɛ́ aNuhu di nɔ ayɛt kukyɛ ashi me. Iba kin rēn ikyɛng fi i tsin tseng awo, ashi abes e bɛ́ a ka ba ya ngma kusum. I bi se anɔng, ni izen fɛ́ Arim Anet bi bɛ̀.