Popular Bible Verses from ALuka 14

Share

“Kɛ akak shim a di kuus mo, kɛ da ishim fɛ́ a bɛ̀ na Adakunom iwaat ifɛ́ atek, ni ifɛ́ anyining, ni ifɛ́ abining, ni ifi nnon, ni ifɛ́ barunyining, ni ifɛ́ banganyining, ngma ni ifi ice wu awo, a da kyem a sot anet ikuus hom awo.

Ngma anet fɛ́ da a sok kukon itegak wu, a di kuus mo awo, a da kyem a sot anet ikuus hom awo.

Nek kaangan fɛ́ sok ice wu zɔk, ba da ku tik lee, wat ayɔng fɛ́ a tik ice wu lɛɛ, ba bi ku sok zɔk.”

Nek anɔng, kaangan ayɛt yin, fɛ́ a da kyem a wosong ngma ikyɛng fɛ́ a bɛ̀ awo, a da kyem na a sot anet ikuus in awo.

“Won in fɛ̀ yit akak ayɛt yin shim a nok kari aton. A da tung sonong, na fa kudot itsɔm fi inok e da ya ninyen, nɔng a da bin di gyang itsɔm fɛ́ a bɛ̀ da kyem igang kutomong e awɛ? Nek kɛ da a nye anɔng awo, a tsɛ a kpa ita itis e, kɛ kari me bɛ́ ka ku gaat igang e, ngma ayɔng fɛ́ a di kari me, a da ku mas. Ne ba nye, ‘Anet yong! A ka ka fok iwu nok, di yin fɛ́ ka ku gaat inok.’

Ngma izen fi ngɔn nye nayak iya nek banet, tsi rini bakan, nɛ bayɔng fɛ́ ba yɔmɔng, nɛ bayɔng fɛ́ aduru mang ku, nɛ bakpatɔn. Adakunom bi ki nɔɔk yin izang atuk idoro bafaben, nek i bɛ́ yin na bayɔng fɛ́ da ba da kyem ba ki tarang yin awo.”

“Ntɔk yet ntek bɛɛs, awɛt ki kuta nate wɛrɛng, ne anɛ fi in da ti in sɛ kuta na yɛ? Vit ina ni kutomong kukak, ba da kyem ba te ina ni ikɔ awo, kɛ na ba te ina na na sot narik awo, tit na ba nosong ina kyɛk. “Ayɔng fɛ́ a bɛ̀ ato, won na a fok ifɛ̀.”