Popular Bible Verses from AYohana 21

Share

Ama fɛ́ ba mi gang iya kuyak, aYeso fɛ̀ ne aSiman Bitrus, “ASiman, arim aYohana, ne atsak ngɔn di shim iwat ba ba yɛ?” ABitrus fɛ̀ ni wu, “Ey, aTisa ngɔn rēn, fok imi da shim.” AYeso fɛ̀ ni wu, “Yɛrɛ naban ítsamang hom.” AYeso tɛ ban ku rip, irip ifɛ́ afaa, “ASiman, arim aYohana, ne atsak ngɔn di shim ɛ?” ABitrus fɛ̀ ni wu, “Ey, aTisa ngɔn rēn fok imi da shim.” AYeso fɛ̀ ni wu, “Tot ítsamang hom.” A tɛ bang ku rip, irip ifɛ́ ataat, “ASiman, arim aYohana, ngɔn di shim ɛ?” Iyɛ aBitrus beseng, nek aYeso ku rip, a te kataat ye, “Ngɔn di shim ɛ?” ABitrus fɛ̀ ni wu, “ATisa, ngɔn rēn kaakyi ikyɛng; ngɔn rēn fok imi da shim.” AYeso fɛ̀ ni wu, “Yɛrɛ nabin ítsamang hom.

Won in da tak atsak, ni izen fi ngɔn kin yet acam, ngɔn ma ni tes ares ikyɛng ngɔn, ni tsees kaakɛ fi i shim; Wat ama fi, i bi kop, i bi nabak mbɔk ngɔn, nɛ kak da tes ares, nɛ tsees ni ngɔn narɔ fi i shim.”

AYeso fɛ̀ ni ba, “Ta yin agunung yin abak kubɔk iyak kukyɛ ashi me, i da yit yin ide.” Nek anɔng, ba ta agunung ba kpaf te aYeso di fɛ̀, ba bɔ ízos dot makiyi, ba kyem ba kɔrɔk agunung e awo, nek kunanang.

ASiman aBitrus fɛ̀ ni iba, “Imi yɔng in tsin yisik ízos,” Wat ishɛrɛp bafi imɛɛs e fɛ̀ ni iwu, “Iyit da tse yit ngma ni ngɔn.” Ba wuruk, ba tse ba nɔ ayɛt kukyɛ ashi, wat katuk e yɔng kusum, ba yit ikikak awo.