Popular Bible Verses from BaFisa 6

Share

Nek ifa yit se ni inam na nasok awo tit na bágwɔm, nɛ bafi kukyem, nɛ bayɔng fɛ́ ba ya igwɔm azatse ahwyi kang, nɛ aduk abik fɛ́ a se naton aza.

Na kaakye awon, ras yin awon kaakyi izen ayɛt abik. Ni kuyiring anɔng, nɔ yin nhwyɛ yin, ya yin kashon na awon nek bafɛ́ atsak.

Te yin ngma ares itsom Adakunom, nɔng i da bin kyem i nyeseng yin gak ni itɛnɛsɛ narɔk aShetan.

Nek anɔng, te yin ngma ares itsom Adakunom, nɔng atuk fi imaan inom bi bɛ́, i bi kyem i nyeseng yin gak, ama fi i mi gang yin kaakyɛ, ni nyeseng yin gak.

Ama anɔng, won inɔɔk atsak yin ni isot kugɛ, fi i di ki tɛnɛsɛ yin abelel afet amaan e. Sok yin abong kutsɔm fɛ́ a yet isheshek yin nɛ awal abik fɛ́ a yet Ifɛ́ Adakunom.

Nek anɔng, nyeseng yin gak! Te yin atsak tɛ kudun fɛ́ ba rosom nyɛng na awit, ni won yin kusot atsak ni kusot akpara-gwɔm yin, won inye fi i mi kana nye nek ishara ifɛ̀ itek fi ibɛ́s ni kusot kukyang, ni isot akpatak yin.

Ni gang e, te yin gbagba ayɛt aTisa nɛ ayɛt kukyem wu fi ku se makiyi.

Ti i di se ni ijɛk fok, “Nɔk ada ni nggɔ ngɔn iratek.” Nek ide yet agbat ifɛ̀ fɛ́ ba moon ni kushi. Ki i nɔɔk yin bada ni binggɔ yin, “i da sɛ yin awɛng, i da sɛ yin nkɔs dot azatse.”

Nnon, foos yin ifɛ̀ bada ni binggɔ yin na Adakunom, nek anɔng e se gyat.