Rēn fok, ni nnom igang e ba bi sɔ izot makiyi. Banet bi sot bafi ishim ice, bafi ishim itsɔm, bafi itsot kugwɔm, bafi iceshek ice, bafi itok, bafi kugbarak ice na batek bá, bafɛ́ vit ifeng, bafɛ́ vit inyim Adakunom na bafɛ́ vit ishim. Bafɛ́ vit ifuut anɛn bafidang, bafi ibeseng iyerek bafidang, bafɛ́ vit iyit ice, bafi anyas, na bafi ifup ni ikyɛng fi i yet itek, bafi ya kushi, bafɛ́ vit ira ikyɛng hwyɛ, bayɔng fi ikok ice mi ka ba shining. Bafi ishim ifoos ice bá nta aza ishim Adakunom, ba tonong ice bá fok ba yet bafi kuus Adakunom, awɛt ni kusonong bá ba toon ni kukyem de. I bi won ikikak i da moon ni kuri banet bang awo.