Popular Bible Verses from 1 ATimoti 1

Share

Ifɛ̀ de yet atsak, i se gyat na ba shan ide ni iyɛ izining: Ifɛ̀ me se ane: Anet-Isheshek aYeso bɛ azatse nek isheshek bafi inɛn, ayɛt bá imi wu in dung ka ba wat ni inɛn.

Awɛt ngma na anɔng, a di tonong angmishish nɔng ayɛt in, imi fi in ka ba wat ni inɛn, Anet-Isheshek aYeso di ki tonong akabɔk wu fɛ́ a se vit nkum, nek a di sot ikyɛng itees sak na bayɔng fɛ́ ba bi nɔɔk atsak ni wu, na ba di sɛ kutset vit igang.

Isak iyɛ kucɛɛt kang yet, ishim fi ines ayɛt iyɛ fi i se cɛ́l ni kuyiring kutek nɛ kabik atsak.

Won iratek ni ízɔk ni i sot AGwɔm bágwɔm fɛ́ da a ku awo, ba ku di awo, azizɛɛt Adakunom ayɛ ne ayɛ. Anɔng.

In ti in rēn yit fok, da ba te ntsi nek bayɔng fɛ́ ba nye kusot kutabat awo, tit nek bayɔng fɛ́ ba se gbakasak nɛ bafi idoro nhwyɛ, nɛ bayɔng fɛ́ vit iba ni nnyim Adakunom nɛ bafi inɛn, nɛ bayɔng fɛ́ vit iba na ajɛrɛ nɛ bayɔng fɛ́ vit iba ni irèn ikuus; nɛ bafi ifɛɛs bada ni binggɔ, nɛ bafi ifɛɛs banet. Na bafi iras irɔs, nɛ batek fɛ́ ba mereng na batek, nɛ banet fɛ́ ba yising nɛ ba rɛɛs banet, nɛ bafi mbɔɔs, nɛ bafi inesek kanu mbɔɔs nɛ ngma ikyɛng fi i se zɛɛt ni itees atsak