Popular Bible Verses from 1 BaKorinti 12

Share

Kabik Adakunom e tonoso ice ka sak na kaangan, nek itek banet ngma.

Yɔkɔnɔng iyin ba i yet yin kurɔm Anet-Isheshek, kaangan yin yet abak irɔm e.

Ke abak akak tsin sɔ mgbang, ni nshɛrɛp nkap e sɔ mgbang gung ni iko; kɛ abak akak sɛ iratek, ni nshɛrɛp nkap e sɔ nta gung ni iko.

Kabik e nɔɔk akak kutsitsɛng aBik, na Kabik kazining e nɔɔk akak kutsik irēn, na Kabik kazining e nɔɔk akak kunang inesek atsak, na Kabik kazining e nɔɔk akak kunang ites banet kyang. Na ka nɔɔk akak kukyem iras ntomong abes, na ka nɔɔk akak kukyem itaas ifɛ̀ Adakunom, na ka nɔɔk akak kukyem ikaas ndiri-ndiri nabik, na ka nɔɔk akak kukyem icɛɛt ayɛt alem zizɛɛt-zizɛɛt, na ka nɔɔk akak irēn tirisi alem e.

Ngma nkyɔrɔk nang yet kutomong Kabik kazining e, iwu nesek kaangan kunang kpaf ti iwu di shim.

kɔn ikaba bi se nate nkap irɔm e, tit kukap irɔm e kukaa gyerep kuyaa.

Nnang abik di se zizɛɛt-zizɛɛt, awɛt Kabik kazining e ka ka nesek. Ntomong ira di se zizɛɛt-zizɛɛt, awɛt ba ras sak na aTisa azining e. Irèn iras ntomong se zizɛɛt, awɛt Adakunom azining e wu a nesek banet agap iras e ngma.

Ayɛt itusung bafi ikuus, Adakunom tung kasa bakak ba sot batom aYeso, bafɛ́ afaa yet batan, bafɛ́ ataat yet bafi itees, nɛ bakak yet bafi ntomong abes, nɛ bakak yet bafi ites banet kyang, nɛ bakak yet bafi igbingding bakak, nɛ bakak yet bafi itonoso irèn itseng ni ntomong, nɛ bakak yet bafi icɛɛt ayɛt alem zizɛɛt-zizɛɛt.

Fok yin, ba nye kurɔm na abak azining awo, tit nkap dot-dot.

Akuce anɔng, nkap irɔm fi in se tɛ vit ina na agap, ina na ba kyem ba nye ikikak dang ina awo.

Ki kurɔm kusum fi ku yet ayisi, ke anet e foos na akyɛ? Ki kurɔm kusum fi ku yet wɔn ato, ke anet foos nkɔn na akyɛ? Awɛt Adakunom saas nkap irɔm, kaa kungan ko kpaf narɔ fi iwu shim. Ke ngma nkap e fi in yet kukap kuzining kyɛk, ki kurɔm e se akyɛ?