Popular Bible Verses from EŻODU 34

Share

U l-Mulej għadda minn quddiemu u għajjat: “Jaħweh! Jaħweh! Alla li jagħder u jħenn; tqil biex jagħdab u kbir fit-tjieba u l-fedeltà. Iħares it-tjieba għal elf ġenerazzjoni u jaħfer il-ħażen, id-dnub u l-ħtija; imma ma jħalli xejn għaddej; jikkastiga l-ħażen tal-missirijiet f’uliedhom u f’ulied uliedhom sat-tielet u r-raba’ ġenerazzjoni.”

Tmilx ruħek u tqim ebda alla ieħor, għax il-Mulej ‘Għajjur’ ismu; Alla għajjur hu.

U qallu: “Arani, se nagħmel patt: Se nagħmel l-għeġubijiet quddiem il-poplu tiegħek, li qatt ma saru fid-dinja kollha u fost ebda ġens, u l-poplu li int f’nofsu jara l-opri tal-Mulej; għax ħwejjeġ tal-biża’ dak li se nagħmel miegħek.