Popular Bible Verses from John 12

Share

Kii omáa matápiiwa, ikkámstattsiiniki nááhkaʼpaoʼtomóyissi, ákstsinaʼohtsapóowa niistóyi. Ki ánniai nitákitohpokaʼpaissiimoka omii nitsítakaʼpaisspi. Ki ikkamáʼpoʼtomootsiiniki otákainaimnoka anniiska nínniska Áʼpistotooki iyiska.

Ki ánnihkayi kómohtanistohpoaawa, omáa matápiiwa ikkámsikimiʼtsisi opáítapiʼssini, opáítapiʼssini ákónooksistotsiihpa. Omáa matápiwa ikkámsaisikimiʼtsisi ánnohka opáítapiʼssini, ostóyi ánnaoʼka íssoohtsika ákitsiitaʼpipaitapiwa itákaisksipaitapiiyoʼpi.

Ki annaahka Jesus iihtssítsipssatsiiwaiksi otáksiʼnssini. Itotóísskskanistomayi. Áániiwa “Kitákanistohpoaawa niitsiiyi. Amia napayíninssimaani istsííni niʼtóyi ákanistsiwa ákitsiʼniwa; ákitsitsinnisiwa ksááhkoyi. Ki óómi tókskayi innisííyi mííni áksistapakáyiinaʼsiwa. Ikkámsawanistsiisi mááhksinnisiʼssi áksaakiaiʼtokskai.

Niistówa annóo ksááhkommi nómohtsitoʼtóo nááhkohkotahsi matápiiksi mááhkitaʼpawaawahkaahsaa ksiistsikóínattsi. Nítohkanaomaiʼtookiiksi mátakattsitaʼpawaawahkááwaiksi isskíinattsi.

Óóki. Omáa ayóóhtsima nitáániihpistsi, ikkámsawanistaíʼtsisaistsi, niistówa nimátohtaokakihtsimatawa opahtsáʼpssini. Nimátsitohtsitoʼtoohpa annóo ksááhkommi nááhkitokakihtsimatahsi matápiiksi. Nómohtsitoʼtoo nááhksikamotsíípiahsaawa.

Kii, ki omáa Mary, sotámoʼtakiwa niʼtssókoi iihtáítsiimioohsoʼpi. Niitáʼpanistapiiwa áámohka iihtáítsiimiohsoʼpihka niitsínihkatoohpihka nard. Stónnatakaohtoohpa. Mary sotámoʼtsima áámohka iihtáítsiimiohsoʼpi. Sotámitaʼssoyinnakiwa Jesus ohkátsistsi, ki ináʼohtsitssíinimaistsi oʼtokááni. Ki omii pistóóhtsi níítaʼpohkanaiʼtsiiyimowa.

Ki ánniayi itssííkoʼtakiiyaawa matoyóópaisskoi ki itsskáatsiiyaawa Jesus. Áísohkawaaniiyaawa, “Ááhksspimmawa Áʼpistotookiwa ki Áʼpistotookiwa ááhksspommoyiiwa óómi otáʼpaoʼtomooki. Ánnahkaoʼka ákitsinawaʼsiwa kiistónnooni annóo Israel.”

Óóki. Jesus itanííwa, “Ánnohkaoʼka áóʼtsstsiiwa nitsítaaksinayáttsookoyi. Niistóakaoʼka annaahka Matápiiwahka.”