Popular Bible Verses from Ǐvel mə̌ğurxo 31

Share

Şot'o görəl ef ük'ə buz k'inək' efanan, Ost'aar çurpanan, ay Q'ONčUğO bač'an taradiyorox bito!

Zaynak' bot'i ömür Vaxun asulune, Za bez düşmənxoy kiyexun, Bez bač'anexun baft'it'oğoy kiyexun çark'est'a.

Vast'a bakala şaat'luğ sa neyməte! Va çalxalt'oğoynak' efi, Va bač'an taradit'oğo pay k'inək' tadat'an bitot'in ak'es bakala sa neymət!

Ama zu Vaz umud, ay Q'ONčUX, "Bez Buxačux Hunnu" nexzu.

Bez q'alal, q'ayal Hunnu, Za düzgün bakala yaq'en taşeri Vi şu baksuna ak'est'a!

Bez urufa Vaz tapşurbsa, Za çark'est'a, ay Q'ONčUX, ay za eyexun nu c'evk'ala Buxačux.

Ay Q'ONčUğO çalxalorox, Şot'o çurekinan! Q'ONčUğON İz laxi yaq'en tağalt'oğo q'orişebon, İçoğoy ǰomon tağalt'oğo isə mot'ay əvəzə xirt't'əyəl śirik'e tadon.

Ay Q'ONčUX, zu Vaz bač'an tarast'a, Ç̌omə̌yin tez bakon zu. Vi düzgünluği k'ə baksuna ak'est'a, çark'est'a za!