Popular Bible Verses from Ǐvel mə̌ğurxo 146

Share

İak'ovi Buxačuğon iz kiyexun biq'alo, İz Buxačux bakala Q'ONčUğO bač'an taradalo he bəxt'əvəre!

Kalaluğbalxo umudmabakanan, Şot'o görə ki, şoroxal insant'un, Və̌x çark'est'un isə insani kiyexun ayeğala əş tene.

Fağırxoy taxsırsuz baksuna ç̌oyel c'evk'alo, Busat'oğo boşevk'alo, Biq'eśit'oğo çark'est'alone Q'ONčUX. K'ač'it'oğoy piyel işiğ eçala Q'ONčUX, Bitit'u kul biq'i alabala Q'ONčUX, İzi laxi yaq'en tağalt'u çureğala Q'ONčUXE Şo.

Göyurxo q'a oç̌ala yaratmişiyo, Dənizə q'a dənizi boş bakalt'oğo yaratmişiyone Q'ONčUX, İz tadi əyiti loxol çurk'alone Şo.

Q'əribluğ zap'k'alt'oğo q'orişalone Q'ONčUX, Yetimxoy q'a süpür çupuxxoy bač'ane çurk'alone, Pist'ay tağala yaq'ane azdırişon Şot'in.