Popular Bible Verses from Ǐvel mə̌ğurxo 139

Share

Alxışezbsa zu Va bezi loxol běğat'an, Şot'o görə ki, beyne p'aq'est'ala şey tene Vi za me cürə yaratmişbsun, Vi nu ak'eśi əşur biq'sunaz q'amişaki zu tam.

Ay Buxačux, bez ük'e boş běği şot'o ak'a, Za xaxalaxun c'ovakest'i bez piin nep'a t'it'evk'ala fikirxo avabaka. Běğa bezi mani yaq'en taysuna, za düzgün nu bakala yaq'a ma efa, Barta Buxačuğon yaynak' laxi həmişəluğ yaq'en tağaz zu.

Vi kiinen düzbi Hun za, Hələ nanay tapane bakat'anen bez boş bakalt'oğoy hər sunt'u iz gala laxi.

Zu hələ sa t'up'uli boyda bakat'ane ak'ey za Vi pulmoğon, Zaynak' bot'eśi ömüri ğimxone śameśey Vi girke boş Hələ zu me dünyəne eğamin.

Ay Q'ONčUX, za xaxalaxunen c'ovakest'i Hun, İsə mone, bez ük'e bakalt'oğo anksa.

Maya şo, t'e Vi Uruf nu bakala ga? Mayaz t'it'es bakon ki zu Vi piyexun?

Bezi arśi-hayst'unan ava, Bez fikirxon ə̌xiləxun k'ale Hun.

Əyit bezi ǰomoxun hələ c'eğamin, Hun bezi upsun çureğalt'oğo bitova avanu, ay Q'ONčUX

Zu yaq' tağat'anal, bula laxi bask'at'anal anksa, Bezi tura mani yaq'a ç̌axpsunan ava Hun.