Popular Bible Verses from Ǐvel mə̌ğurxo 119

Share

Çirağ k'inək'e Vi əyit bezi hər lə̌ngeynak', İşiğe saksa şot'in bezi tağala yaq'a.

Vi piyes günax bakala əş nu biq'seynak' Vi pit'oğoynak' bez ük'e gazbi zu.

Cəyili düz yaq'a baksuna het'ine ak'est'a? Şot'ay Vi əyitəxun nu c'eysunen!

He bəxt'əvərt'un Şot'o ük'in qə̌věśi, Şot'ay bürüşit'oğo əməlbalorox!

Vaz bač'an tarade zu, za q'orişalo Hunnu, Vi tadi əyitəz umudbaksa zu.

Za Vi k'anunen taysuna zomba ki, zuval şot'oğo əməlbaz, Şot'oğo bez ǔmǔğo sırığan baz zu.

Barta Vi bürüşit'oğo əməlbsunq'an baki bezi ük'exun c'ovakalo, Var-dövlət girbsun təə.

Şaat'e ki, za Vi cazin k'ə baksuna ak'esendi, Vi laxi q'aydoğon taysunaz zombaki zu.

Vi tadi əyitene za yəşəyinşest'a, Za ük' tadalone şo bezi tar ğine.

Za Vi buyruğxon ak'est'ala yaq'en taşa, Şot'oğoxunez mǔqbaksa zu.

Vi q'aydoğon taysuni k'ə baksuna ak'est'a za, ay Q'ONčUX, Barta həmişə Vi laxi yaq'en tağaz.

P'ine ǒnene bez ük'en, Ük' tada za, çurpa Vi əyiti loxol.

Gelez çuresa zu Vi k'anunxo, Şot'oğoy loxole bez fikir üşe-ğena.