Popular Bible Verses from ᐃᐱᓯᔭᓇ 5

Share

ᓱᒃ ᐎ ᓂᔅᐱᑐᐛᐧᒄ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ, ᐛᔅ ᐊᐅᒄ ᒋᔨᐛᐤ ᐅᑦ ᐊᐛᓯᒪ ᑲ ᓴᒋᐊᑦ᙮ ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᓱᒃ ᐃᔭᒂᒥᒄ ᑕᓐ ᐊ ᐃᓯ ᐱᒪᑎᓯᔭᒄ᙮ ᓇᒪ ᒋᐸ ᐅᒋ ᐃᓯ ᐱᒪᑎᓯᓇᐛᐤ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᐊᔭᒡ ᑭᒐᑕᐛᔨᑎᒧᐅᓂᔪᐤ᙮ ᐊᐛᓐᒋ ᑲ ᐊᔭᒡ ᑭᒐᑕᐛᔨᑎᒧᐅᓂᔪᐤ ᐊᐅᒄ ᑕᑈ ᒋᐸ ᐃᓯ ᐱᒪᑎᓯᓇᐛᐤ᙮ ᑭᔭ ᐊᑲᐎᔾ ᐃᔭᔪᑕᒄ ᒋᒋᓯᑲᒧᐛᐛ ᐛᔅ ᓇᔅᒡ ᒥᓴᐤ ᒥᒐᑎᓯᐅᓐ ᐅᔭ ᐊᓄᒡ ᒐᓯᑲᒋ᙮

ᐊᑲᐎᔾ ᒋᔎᐸᒄ ᐊ ᒥᓂᔭᒄ ᓱᒥᓇᐳᔾ, ᐛᔅ ᐊᐅᒄ ᒐ ᓂᓱᐅᓇᒋᐃᑯᔭᒄ᙮ ᐃᔭᐱᒡ ᐱᔅᑎᓇᐧᒄ ᐸᔭᒋ ᐊᒐᐧᒄ ᒐᒋ ᓴᑭᔅᒋᓇᔅᑲᑕᒄ᙮ ᐛᐎᒋᐃᑐᒄ ᐊ ᓂᑭᒧᔭᒄ ᓂᓇᐧᑯᐤ ᐃᔭᒥᐊᐤ ᓂᑭᒧᐅᓇ, ᑭᔭ ᐊᓂᔭᔪᐛ ᑎᐱᑦ ᐅᓂᑭᒧᐅᓇ ᑭᔭ ᐊ ᐅᔅᑲᒋ ᐊᒐᐧᒄ ᓂᑭᒧᐅᓇ ᓂᑭᒧᒄ᙮ ᒪᒥᒋᒪᐧᒄ ᐅᑎᐸᔨᒋᒐᐤ ᒥᒄ ᒐ ᐃᔅᐱᔅ ᐎ ᒪᒥᒋᒪᒄ ᒋᑕᐃᐛᒡ ᐅᒡ᙮ ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮

ᐊᑲᐎᔾ ᒪᒃ ᒋᔎᐱᒪᑎᓯᒄ᙮ ᐃᔭᐱᒡ ᓱᒃ ᐎ ᓂᔅᑐᑎᒺᐧᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

ᒋᔨᐛᐤ ᓇᐸᑐᒄ, ᒋᐸ ᓴᒋᐊᐛᐅᒡ ᒋᐅᐛᐅᒡ ᒧᔭᒻ ᙭ ᑲ ᐃᔅᐱᔅ ᓴᒋᐊᑦ ᐅᒪᒧᐊᔭᒥᐊᐛ, ᓇᔅᒡ ᐊᒋ ᐱᔅᑎᓇᐧᒃ ᐅᐱᒪᑎᓯᐅᓐ ᑲ ᐃᔅᐱᔅ ᒋ ᓴᒋᐊᑦ᙮

ᐛᔅ ᑭᔭ ᒋᔨᐛᐤ ᐅᓂᑎᐱᔅᒋᓯᐅᓂᒡ ᔅᒋ ᑕᓇᐛᐤ ᐊᓐᑕ ᐅᑕᒡ, ᒥᒄ ᒪᒃ ᐊᓄᒡ ᐊᑯ ᐛᔅᑕᐅᓂᒡ ᐊ ᑕᔭᒄ ᐊᓐ ᐅᒋ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᐊᑯᑕ ᒪᒃ ᓱᐧᒃ ᐎᓯ ᐱᒪᑎᓯᒄ ᐊᑯ᙮

ᐱᔅᑕᔨᒥᑎᓱᔅᑕᑐᒄ ᙭ ᐊ ᒋᔅᑕᔨᒪᒄ ᐅᒡ᙮

ᒋᔨᐛᐤ ᐃᔎᑐᒄ ᐱᔅᑕᔨᒥᑎᓱᔅᑐᐛᐧᑯᒡ ᒋᓇᐸᒧᐛᐅᒡ ᒧᔭᒻ ᐊ ᐃᓯ ᐱᔅᑕᔨᒥᑎᓱᔅᑐᐛᒄ ᐅᑎᐸᔨᒋᒐᐤ᙮

ᒥᒄ ᒪᒃ ᑭᔭ ᒋᔨᐛᐤ ᓇᐸᑐᒄ ᑭᔭ ᐃᔎᑐᒄ ᒋᑦ ᐊᔨᒧᒥᑯᓇᐛᐤ᙮ ᒥᓯᐛ ᓇᐸᐤ ᒋᐸ ᓴᒋᐊᐤ ᐎᐛ ᒧᔭᒻ ᐎᔾ ᐊ ᐃᔅᐱᔅ ᓴᒋᐃᓱᑦ᙮ ᑭᔭ ᐃᔎᐤ ᒋᐸ ᒋᔅᑕᔨᒪᐤ ᐅᓇᐸᒪ᙮

ᐊᐅᒄ ᑭᔭ ᐛᒋ ᐃᑎᔅᑕᒡ ᒥᓯᓇᐃᑭᓂᒡ, ᓇᐸᐤ ᒋᑭ ᓂᑭᑕᐤ ᐅᓂᒋᐃᒂ ᑭᔭ ᒐ ᐎᒋᒪᑦ ᐎᐛ᙮ ᐊᑯ ᒪᒃ ᐎᐛ ᐸᐃᒄ ᒥᔪᐤ ᒐ ᐃᓯᓇᑯᓯᒡ᙮

ᐊᑲᐎᔾ ᒥᑯᔅᑲᑕᔨᑎᒧᒄ ᑕᓐ ᐊ ᐃᓯ ᓂᓇᐧᑯᐤ ᓂᑎᒥᒄ ᐃᑎᓇᓄᐅᒡ, ᑕᐸ ᓇᔅᒡ ᑯᐃᔅᒄ ᐃᓯ ᐎᒋᐃᐛᐱᔪᐛ ᐅᔭ᙮ ᐃᔭᐱᒡ ᒋᐸ ᐎ ᐛᐸᑎᔨᐛᓇᐛᐤ ᑕᓐ ᐊ ᐃᓯ ᐊᑲ ᑯᐃᔅᑯᓇᒂᒋ ᓂᑐᐎᔾ ᒐᒂᔪᐛ᙮