Popular Bible Verses from दर्सन 8

Share

नकिन नो पाथाए प़ाइँरानी छींताव छाप ओफैक स्‍वर्गत आधा घन्‍ता पै साइँसुइँ ताके।

उस॰कताव चाकर्‍याए ओभोंकर ओतबो प़ाइँना झी बरे·सिउ तिसरै स़ोनो मेंः बनै ज़ वाके। नोए मानुवाताव सींर स़ोंभानी तभा भरी नामस ज़ सघाद चुयाप याजैक्‍यो। छी भरी ब ओपो·स ज़ सघाद याखेम्‍क्‍यो।

नकिन फरी ङाभाल्‍सिक नमत तोबो काप्‍च्‍यागा उभुर्ज़्‍याव ङारँःके। नो बनै चोइस अइ लिद उक़िज़्‍याव, “नो आःपै यामातप्‍ताव स़ोम्‍लो भोंकर परमेस्‍वरए ओचाकर्‍याराए यातबोत आव मानुवाताव मिँरालाई स़ोंखेप थैए माँतकन तारिज़्‍या,” है उलिज़्‍याव ङाथैके।

नकिन नोए उछींताव चाकर्‍याए ओभोंकर ओतबोत बनै घ्योःव हाँ स्‍यासो मेंःए सुम्‍ला समुन्‍द्रल तेद नो समुन्‍द्र स़ोंभानी तभा भरी झी ज़ ताके।

नकिन फरी नोनी निछींताव चाकर्‍याए ओभोंकर ओतबोत नमतिन तोबो बनै घ्योःव चाँःज़्‍याव मेंः स्‍यासो सोरो तेद ऱीमुलर स़ोनो खोलार स़ोंभानी तभा भरिल परिके। नो सोरोए उमिन ‘अइरालु’। नो परिउ भरिलाव ऱी भरी बनै काव अइरालु मिताव ज़ ओतावए नो ऱी ओज़्‍याव मिँर कुधु ज़ सिकेर।

नकिन नो स़ोम्‍लोराए याछींताव चाकर्‍याए ओभोंकर ओतबोत निमी, स़्‍यावै स़ोनो सोरोर स़ोंभानी तभा भरी चुम चुमो ताकेर। है जैद ला मनी स़ोंभानी तभा भरी चुम चुमो ज़ ताके। हिताव ज़ री मनी स़ोंभानी तभा भरी छाम छामो ज़ ताके।