Popular Bible Verses from दर्सन 3

Share

ङा य़ामक च्‍याँःसिद कोतो कोतो ङाजैक जोए ङार्गा थैद ओय़ाम फैज़्‍याव, ङा होए उझ़िमल पसिद होस नैं नैं ताद ज़्‍यावर ब सिप ज़ ज़्‍यान्‍या गिन्‍ले।

जे जेय़ेन भरी ङारँःज़्‍या, जे ङाय़ेनत ऱाव ब जेमाले, छेरो ब जेमाले। की ऱाव वाज़, की छेरो वाज़ जेताकिन तान्‍या ओल्‍यो। खाली जे की ऱाव की छेरो माताद नोल नोलो वाज़ जेतावए ङायाःनी ङावैःचिरिज़्‍या।

जोलाई ङा मया ङादोज़्‍या, होलाई हप्‍कैद ङाम·लैज़्‍या। है जैद जेयुँर मासतेद जेयुँर त़ोद ङाय़ेनत कलँ लिचिके।

जेय़ेन भरी ङासैंज़्‍या। जेसक्ती छ्या उलिदी ब ङापाँ दाद ङामिनत जेलाज ओमाहुवए जेङ़ाक तोबो य़ाम फैद नैद ङायाचिए। नो य़ाम सुए ज़ मागल्धुर।

आव पाँत जो झेंःज़्‍या, होलाई ङासिंहासनत ङास सिप च़ुसिउ यान्‍या ङाले। ङा मनी ङ़ादा ङाझेंःवए परमेस्‍वर ङाबाबुए उसिंहासनत ओलस सिप च़ुसिद गिन्ले।

जे है जेलिज़्‍या, ‘गे यादा ताद प़ाइँनी यो·द धनी ताद गेले, गेलाई काताए खाँचो ज़ माले,’ है जेलिज़्‍या। जे ते झन काता ज़ माल्‍यो, नाङग्‍या, युँ नाव, छाम छामो ताद जेलिज़्‍यावदा जेमासैंए।

जे बनै थ॰रिद ङापाँ भरी धिद जेदोवए आव मानुवाताव मिँ भरिरालाई जाँचिन्‍याए जूँनी बनै धो सहिउ दुखर झाःद ङाराएक जेलाई ते नो दुखरानी पाथस ज़ ङापले·चिरिज़्‍या।

ङा हतप्‍त ज़ ङाहुरिज़्‍या। जेदैरिज़्‍याव इनाम सुए ज़ माछकैधुन्‍याए जूँनी जेस लिज़्‍याव ङापाँर ङासतर माऱास्‍द दोच्‍यो।

है जैद जे सैंसिद म़ाव पैंज़्‍याव रहिउ जेय़ेनरालाई याराजागैचिके। जेय़ेन भरी परमेस्‍वर ङाबाबुए ओङ़ाक काता ज़ यो·व ङामारँःताए।