Popular Bible Verses from दर्सन 14

Share

हाःत ज़ फरी स्‍वर्गनी तोबो गाए अइ उलिज़्‍याव ङाथैके, “आव सर्के, आकिनी प्रभुए उमिनत सिज़्‍यावर असिक दैवर तान्‍या लेर।” छैंव पुरूसए ब, “हैज़, नोर याय़ेननी यार्सा नैन्‍या लेर, याजेला ब याछींत ज़ हुन्‍या ले।”

परमेस्‍वरए ओपाँर भैंःद येसुलाई यायुँ हुप्‍ज़्‍याव छैंव उमींर आव पाँत थ॰रिद ल्‍यो परिके।”

नो बनै चोइस अइ लिद क़िके, “परमेस्‍वरलाई रँःद छे·द ओमान नैदिचिके, मिँ भरिरालाई ओराफाल्‍रिज़्‍याव छ्याम हुद ले। है जैद नाम नम स़ोनो समुन्‍द्रर ऱीमुलर जैज़्‍यावए ओङ़ाक फुलुप्‍सिद ओसेवा दोचिके।”

नकिन फरी नो ऩेब्‍लो चाकर्‍यानी निछीं निछीं छुत तोबो चाकर्‍या हुद अइ लिद क़िके, “सुवाराए नो राछ्यास स़ोनो नोए उसुरूप जैसिउ अङग्‍यानी निसेवा दाद राछ्यासए ओछाप याकुइत तादी ब, याचाँदीत तादी ब, याझाःकिनी, नोरालाई मनी परमेस्‍वरए उरिसलाव मासचिरिसिउ चर्कासो दाखमद्य मिताव उखुरीनी सवैन्‍या ले। नोर पाथाए ओङ़ाक स़ोनो परमेस्‍वरए छैंव ओचाकर्‍याराए याङ़ाक गन्‍धक स़ोनो मेंःल मासहिसिधुन्‍या दुख दैन्‍या लेर। नलाव दुख याज़्याव म़िकुइ खर्क ज़ खेम्‍न्‍या माले। जोराए नो राछ्यास स़ोनो उसुरूप जैसिउ अङग्‍यानी निसेवा दाद राछ्यासए उमिनताव छाप रैज़्‍यार होराए लाकनी रील खर्क ज़ सन्‍च दैन्‍या मालेर।

हाःत ज़ फरी तखेप ङाभाल्‍सिक परमेस्‍वरए ओपाथा स्‍वर्गताव सियोन दाँदात च्‍याँःसिद उलिज़्‍याव ङारँःके। नोस याचाँदीत ओल उमिन स़ोनो ओबाबुए उमिन सर्सिउ तलाख चवालीस हजार मिँर यालिज़्‍याव।

हाःत ज़ फरी ब तोबो चाकर्‍यालाई नमत उभुर्ज़्‍याव ङारँःके। नोलाई आव मानुवाताव प़ाइँ राज्‍यालावर, प़ाइँ जातलावर, प़ाइँ थोलावर, प़ाइँ खामनी पाँज़्‍याव मिँरालाई खर्क ज़ माखेम्‍न्‍या चाव था सथैन्‍या यासिउ उलिज़्‍याव।

हाःत ज़ फरी नोए उछीं उछीं छुत तोबो चाकर्‍या हुद अइ लिके, “खदम ताके! नो बनै उमिन थासो बेबिलोन सहर खदम ज़ ताके। नोए प़ाइँ जातलाव मिँरालाई ओदोज़्याव पातर्नी य़ेननी समँःद याफसङ्गैक्‍यो।”