Popular Bible Verses from याकूब 1

Share

अ ङानैं ङामेंर, भाँती भाँतिलाव दुखर जेदैक ‘चाव ज़ लिज़्‍या’ लिद थ·रैच्‍यो, काराव ल्‍यो ताकिन युँ हुप्न्‍यात जाँचर उहुकिन वाज़ थ॰रिउ युँ ताज़्‍या।

जो य़ेन जेमासैंए, होए उजूँनी परमेस्‍वरलाई पोंखारिद ऩिउ ताके। हो ताकिन ची प़ाइँलाई उयुँ य़ाल्‍द उयुँ माकैद याज़्‍याव परमेस्‍वरए ओल ज़ पैन्‍या ले।

ङायुँलाव ङानैं ङामेंर, आव ब सैंच्‍यो, चाव पाँ थैन्‍यात झाःसिद लिच्‍यो, पाँन्‍यात तहस पाँच्‍यो, जेरिस हतप्‍त ताचोक।

निताव थ॰रिउ युँ दैन्‍याए जूँनी नो दुखर उहुकिन घुहुज़्याक। ननी ज़ जे परमेस्‍वरए ओपाँत थ॰रिउर, छिबोर, कान्‍त ज़ जेखत माल्‍योर तान्‍या जेले।

खाली जे परमेस्‍वरए ओपाँ थैज़्‍यावर वाज़ माःक, दाज़्‍यावर ब जैसिउ ताके, म़ानी जेक्‍याँलाई जे ज़ धोका यान्‍या जेले।

धो सहिउ दुखर सहिज़्‍याव मिँ असिक दैव मिँ ज़। निताव जाँचरानी उथ॰रिकिन नोए परमेस्‍वरनिकाव अजम्‍बरी जुनी दैरिज़्‍याव। परमेस्‍वरए ओल्‍योदा यायुँ थू जैज़्‍यावरालाई नो जुनी यान्‍या य़ाका ङ़ादाकिन ज़ नैद ओराएज़्‍याव।

गेलाई जुरिद हुज़्‍याव चाव स़ोनो छैंव भरी खर्क ज़ मात़ोसिज़्याव चुम चुमोलाई पलाँव जैज़्‍याव स्‍वर्गताव गेबाबु परमेस्‍वरए ल्‍योनी ज़ हुज़्‍या।

जोए परमेस्‍वरए ओपाँ थैद ओमादोकिन, नो मिँ धर्पनल अइज़ उचिऊसिउ मिताव लिज़्‍या। नो मिँ नल चिऊसिद ननी ओबाव प़ाइँना ‘ङा इताव ङाल्‍यो’ लिन्‍या ब मेंःज़्‍याव।

गेबाबु परमेस्‍वरए ओङ़ाक साचो ओकप्‍तैं माल्‍यो धर्म इतावनी ज़ ताज़्‍या — तुहुरा तुहुरीर स़ोनो राँदी मेंमारालाई यादुखल चिऊन्‍या, स़ोनो आव मानुवाताव पापरानी अछतङ लिद छैंवस लिन्‍या लिज़्‍या।

खाली सुवारालाई यायुँए बिप्‍यादा लाँवा लाँवा ओराजैकिन आव जाँच परमेस्‍वरनी हुव ज़ है तालिरक। यायुँए ज़ है याजैज़्‍याव। परमेस्‍वरए उयुँ माचावदा खर्क ज़ माबाए, छुतरालाई ब माचावदा बान्‍या युँ जैद मारायो। बुरू मिँर या यालोभए ज़ यायुँलाई माचावल पारैज़्‍यार।

परमेस्‍वरए ओपाँत बाज़्‍याव मिँ आव मानुवात कान्‍ल ज़ मागनिसिउ ज़िम्‍ज़ा उलिदी ब ‘परमेस्‍वरनी ते घेप्‍पाल गनिसिउ ङालिज़्‍या’ लिन्‍या ओसम्‍जिउक।